我初中開始用電話, 想當年個plan係 $238/80mins, 用緊既係和記"星級網絡" 簡單d即係仲係得gsm, 當年係未有雙頻
第一部電話, 當然係執老豆2灘, 人棄我取啦
根住見到劉華咁形, 又忍不住屈左老豆買呢部...
用左幾耐唔記得左喇, 總之係後尾俾人老笠左...
跟住又係用返部337...
我仲記得果幾年間多左一個台叫EXTRA, 係數碼通既, $35/300分鐘咁上下, 但係多左樣叫劏(湯)咭既東西, 我就唔係好明點運作啦, 總之當年響街舖可以做上台, 仲要平過人地大舖...
中途做下暑期工, 搵到D又買新機...
當年佢好威架, 又換得殼, 又無記錯好似係雙頻機, 係重左D姐後尾佢既下場係我食緊個辛辣面果陣跌Q左佢落去, 壞壞地, 不過都有人要, 就賣左俾人喇
跟住換左當年老電(當年係叫CABLE AND WIRELESS HKT)既, 叫做"1+1" 用TDMA, 無得換CARD 既, 咁上台就用左佢喇
仲記得當年部機係無震動功能, 要自己搵個外置震子, 用尼返學用既...仲要分厚電同薄電...
後尾有一日響條街執到佢, 就直情轉返去用橙喇
用左好短日子, 俾老媽子發現部機係執返尼既, 就俾人沒收左部機, 但係可以買過部...
又唔知點解真係咁快就跌鬼左(話說係呀妹發高燒, 咁我就坐的士同佢去急症, 響架的士到跌左, 打左幾次返去之後連電話都熄埋...)
又換左呢部
呢部其實真係唔錯, 不過我到今日都仲好鐘意部7110....好正
之後爛橙又出招唔知勁平又唔記得簽幾耐就有呢部, 咁又換左部機喇
呢部8310又真係幾好玩, 又換得殼, 又可以自己入歌, 又可以聽收音機, 當年真係周街D人都用佢
隨住讀完書, 科技又進步, 開始有彩芒喇(其實西門子一早有啦, 不過佢果D彩色就得果幾隻色...)
無記錯我自己既第一部彩芒機好似係佢
但係嫌佢無得影相, 用左無耐就換左佢
當年好似係十萬像素, 但係大家都係十萬, 佢影果D就真係差D, 當年有部叫GX22, 影相靚都到得了, 就係CCD同CMOS既分別...
之後嫌佢個鈴聲細聲到呀媽都唔認得, 咁o岩無記錯的話, 好似就係初初出s60既年代, 真係玩得好開心, 無諗過用可用mp3做鈴聲, 用電話睇戲, 又可以自己入game玩
呢部都用左一年度就換左佢喇(又係爛橙果d簽約0機價...)
其實佢同7610又差不多, 不過多左個前鏡頭, 3g既開始....
之後nokia開始出n系列, 果時真係又係正到暈, 佢影相真係好靚...我既第一部nokia n系列
但用落就發現, 無震功能係會死..一用無聲就完全唔知有人打尼(呢部係繼我7110之後第2部到依家都仲想搵返既機)
跟住就換左部有得震架喇
但係n93影相點都唔夠n90靚, 又成日hang機(nokia通病), 又換機
n95又係幾好用, 之後出左8gb版, 又換
手痕想換機...
半年後....
再之後就開始左keybroad既年代喇
買左之後又嫌佢個mon細, 又換~
同期出多部iphone3, 開始左我用兩部電話既時候(其實係因為呀爸終於走左喇...我要用埋佢個number)
touch screen係好, 但係渣車真係唔方便...
結果?
總之依家用緊e72用ip4啦, 張相入面既係我o係屋企仲有既手提電話....
部6230i係我呀爸既, 8910i係我貪過癮買既, 部bb blod900係我用用下e72無啦啦真係屎忽痕買既, 用左一陣已經覺得唔好用, 又係用返e72....
諗諗下咁又十幾年...用電話果陣香港都未回歸...
原來咁搵料打下字又搵返d回憶...咁又差不多一個鐘...
多謝收看
oke" />
