Hkpolice-Psu

我見有人用呢個主題出書，又有人拍短片，又有人拍戲

真係咁神秘？？真係咁多人想知？

Hkpolice-Psu

講真我做呢行, 係有D特別野睇到, 特別在並唔係睇到神怪, 而係睇到好多迷信,無知同人心

Hkpolice-Psu

引用:

原帖由 亞延 於 3-9-2009 13:33 發表

人死後真係好奇妙,你做咁耐又信唔信死左真係會轉生?
講開無知同人心..我識既人大部份都用佛或道教儀式...而自我老豆之後出席過幾次葬禮
我個人感覺唔知點解破地獄呢個儀式好似愈來愈表演化=-=愈貴就愈表演,個火盆 ...

其實我係覺得做呢D所謂法事, 係做SHOW架咋, 你問我做唔做好, 我就話有錢咪做無咪唔做囉, 做左有無用你唔知, 有錢又唔做就俾人話不孝

咁有時可能做左自己個心安樂D, 能力又有的話, 一試無妨

至於我所謂GE人心, 就係你見過靈堂就喊到死, 又話洗幾多都無所謂, 最緊要某某可以早登極樂...一出門口就即刻話去飲野去玩GE仔女未?生前唔孝順, 人都死左先尼扮野, 把鬼

仲有, 我覺得好多人都根本唔知咩係佛教咩係道教, 我問個主家想用咩儀式做, 佢就話佛教啦, 即係人地打齋破地獄果D咁答我...

呢D唔係迷信, 係咩?

講真做我地呢行, 好多都無左個良心, 果D咪係你地口中發左達果D囉, 我地呢D下下同人講良心, 有時真係車錢都蝕Q埋

Hkpolice-Psu

引用:

原帖由 24632198 於 3-9-2009 16:03 發表

人工好似話新入行都有3,4萬/月
好似話要夾八字果d先入到行,同話好多人因為頂唔順而唔做(我個人覺得係有d"野"令到佢地頂唔順)
我覺得如果有得做o既話都想試下

老友你聽邊度講架？有可靠源頭的話不過介紹埋我去做丫！
三四萬，我想信有，但係一定唔係新入行同個個都係，殯儀業都有好多唔同崗位，點可以一概而論？我夠話做醫療幾好人工啦，掃地果個又咪係五千八千一個月，你估個個都係醫生咩....

Hkpolice-Psu

引用:

原帖由 MS 於 3-9-2009 15:56 發表
ms老友開棺材鋪,約親佢實係萬國xx堂!記得一次去BBQ........十幾人唔夠車.....有車無司機!結果.......一架車搞掂......棺材車......途中有個鐵馬以為班飛仔偷車玩......佢話"嘩咁多野唔玩？架棺材車
在軍中 ...

Ms大佬你老友係咪姓駱？？

Hkpolice-Psu

引用:

原帖由 24632198 於 3-9-2009 16:51 發表

話人化妝果個
不過人地話要學師同要識人先做到

我可以話你知機本上專業遺體化妝既，全香港加埋兩隻手數得晒！但你諗下全殯儀行有幾多人做野？

Hkpolice-Psu

引用:

原帖由 追逐者 於 4-9-2009 03:41 發表
查實蠔屎係呢行負責咩崗位...?

我?整色整水

Hkpolice-Psu

引用:

原帖由 B20_hk 於 3-9-2009 12:44 發表
就係冇人知行情
所以很多人洗多冤枉錢

其實, 唔洗知, 因為知左好多都無用, 反而係需要搵一個信得過GE人幫你做先係正確, 因為殯儀, 就好似買樓同買車, 好多野你未必知得晒, 所以要搵支好GE盲公竹先有運行

同埋好多時我地自己行家聽都聽唔小, 呢個又話, 我又斬左件, 果個又話我尋日又湯左件

點解?
因為好多時洗錢果個跟本唔明白, 錢係要洗, 但係洗得精明一點

Hkpolice-Psu

引用:

原帖由 zgug 於 4-9-2009 19:52 發表
行家,十分應同.由其是平時(冇拉冇lun}的所謂親戚,在人家心煩意亂的時候左一句,右一句,又話鄉例又話？？, ,大佬吾識吾好扮代表,我？吾忍心 ,你都吾好當主人家係 .
最過份一次 ...

終於有行家了！果D塘邊鸛真係好麻煩，明明唔事，講到好似佢死老豆咁！目的？拉返去果位塘邊鸛相熟果間公司囉！為咩就心照啦！