引用:
原帖由 101653 於 30-8-2009 10:20 發表 
全東南亞最優秀警隊?
自high係冇用既
咁既做野方式遲早出事 (應該話已經出左事)
得閒係差館姦番兩個女人又爆門打X人
比得個全東南亞最優秀警隊你認你都覺得羞愧啦
樹大有枯支呢個道理我諗你都會明GE, 但係我唔明咁都發生響我身上囉, 可能你地會覺得我好白痴, 咁都覺得有問題, 但係切身處身,逆地而處, 你就會明
其實我份人一向都唔該前唔該後果種, 個樣絕對又唔係潮
咁好啦, 繼續我單野
上回
"話說前日小弟牛一，但係都要做野，咁我泊低架車響香港殯儀館對出行人路啦，做完野出尼見前面抄緊牌，咁我拿拿臨開車走人啦，跟住果位渣大馬5xxxx既Pc指住我，兇住尼叫我熄匙，我心諗抄牌姐，唔洗咁呀嘛
佢走到埋尼我車頭，大大聲叫我落車車牌身份證，態度極差"
繼續
以下我對佢ge 語氣, 唔係兇我, 就係態度非常差果d
佢叫小露寶check台, 一聽到佢報task force, 我已經心知不妙check克我架車同我id, 一清二白之後就問我
你依家架車非法改裝
(我心諗, 咁大鑊?!)
車頭上面d錶全部都係非法改裝,
(我話我今日返去車房拆啦, 我唔熟車, 我驚拆左之後會對架車行車安全有危險)
你想我拖入port定你自己拖走搞?
(咁我咪話我自己搞掂佢啦, 即係自己係咁易拆佢出尼算啦, 又好命令口吻咁問我要幾耐, 咁我咪話5mins囉0
我俾我5分鐘你, 即刻拆晒佢
(咁我拿拿臨猛左出尼算啦, 反正都係痴雙面膠姐,咁我拆晒喇, 佢又問)
個a柱錶唔拆, 我拖入port
(我就話, 師兄, a柱錶原裝車日本返尼果下已經有, 應該報正左)
佢繼續一大輪廢話, 又話我大銀幕上面塊太陽紙又要搣
(咁我咪又搣囉,搣完之後...)
開車頭蓋睇
(但係睇完之後, 咩都唔講, 又閂埋左都唔知佢識唔野ge)
(跟住又繼續兇我)
我反飛ge, 你泊上行人路, 係危機駕駛, 不過今次無事就320, 同埋下次俾我再見到你架車, 一定拖入port, 無情講, 你聽唔聽到?!
(咁我一路都係好聲好他答佢係ge唔好意思呀sir/師兄....)
我依家道氣下左d, 睇返件事其實都唔係d咩野
不過果下真係俾佢激一春袋都係氣囉
第1 佢都睇到id, 果日我生日啦
第2 其實我同佢講我屋企人o岩o岩響入面做完野, 佢問返我轉頭咁又點呀?!
第3 呢張320我真係咁大個仔食得最谷氣ge一次, 你抄咪抄囉, 洗唔洗搵我尼出氣, 又小到我撻皮, 又話咁又話咁, 如果我係有錢佬好似林x岳果d, 佢夠唔夠膽咁做?
唉....總之呢排都係黑仔...
我都覺上面有位師兄講得好o岩, 我自問真係行得正企得正, 係除左有時渣快小小之外啦...
有時見到呢d真係買佢怕, 當差大晒咩?係要威ge咪拉返上次飛果班囉, 抄我一張320有x用咩?!
呢幾年我渣車ge感覺係"難怪渣車ge都咁唔鐘意警察"
響我地呢d星斗市民面前就也文也武, 好聲好氣d, 唔得ge咩? 你話我態度一開始已經係惡劣唔合作就話姐
見到呀林生, 又咪係死晒狗?!人地用十幾萬就係為左果幾分, 你吹呀?係我地呢d無錢ge, 咪吞聲忍氣囉
唉....
ps: 各位"師兄", 以上言論並唔係指所有人, 只係指某一d我覺得係乞人憎ge小數人, 如有得罪, 請多多原諒
