WAAR撚

引用:

原帖由 阿堅 於 14-8-2020 22:15 發表

呢間野最近有唔少笑話，係我個人角度佢出既產品都係D功用唔太大同吹水吹大左既野
例如個件有”媲美”5.56後座力既mws buffer

仲有件marking 錯到無眼睇既glock底板。真係唔知比咩反應

咦師兄，果件MWS buffer你有冇試過？我聽我德國退伍朋友玩過講話ok似5.56個feel喎。
我朋友當過兵feedback返黎，咁都叫吹水吹大左

同埋功用唔太大係點界定⋯？

WAAR撚

咁多位隱世高手係度，小弟真係自慚形穢。

但同時我好想問呢個問題，你哋到底喺外國邊間舖頭買件產品同試過呢
件產品本公司就冇喺香港上架，online store亦未有賣出過此產品，外國經銷商入貨嘅數量亦都唔算係太多
同合作嘅經銷商傾過，都係當地人買返。
原來而家又係冇買過冇試過就上網無責任發表言論？

係小弟接手改良零售呢件產品之前，曾經委托另一位住喺新界西嘅高人測試
佢自稱有槍牌，亦都有相當耐既實彈射擊經驗。
當時佢同我講返，比起佢玩開使用5.56既槍，效果亦都相若。
我選擇咗相信佢講嘅說話，而作出一個相應嘅宣傳

另外上面有高手提到，
「有D野唔係你加重個buffer 加硬條彈弓就係，真槍條bolt回得快所以係好短時間有撞同chok返前兩度力所以會扯起支槍」
大神你單憑一張產品嘅外觀相片，可以知道我零件入面嘅結構，真係隱世高人！
另外，由頭到尾我係用原廠既buffer彈弓去拍片去測試。何來加硬條彈弓？

你地講到我公司所有商品都唔得，全部都係老吹咁。
當然咁多隱世高人嘅衷心建議我好樂意去聽，不妨安聚令完結之後，小弟搵個場地，歡迎各路高手自攜MWS 出黎試菜？

WAAR撚

引用:

原帖由 MACV-SOG 於 20-8-2020 17:07 發表
咩新界高西人？
咩會咩牌簿？香港打到NATO 556 ？軍槍上到牌？

認真回覆。
你NATO 556 咩料先？邊款？
當green tip喇，咩槍用？ 講管，唔計rifling twist, 淨係管長rifle同carbine又唔同。carbine同CQBR又唔同 ...

牌簿呢,我問一問果位前輩睇下有冇得借黎影相証明比大家睇,畢竟小弟呢排都忙,冇乜時間入新界西搵佢
不過如果你地有行開新界西D玩具槍鋪應該會見到佢架!好似話係唔知邊間公司個太子爺,同潘老闆好熟,,成日都講有好多真鐵零件買到!

引用:

原帖由 ~~方~~ 於 20-8-2020 16:56 發表


唔好意思, 我唔爭氣咁笑左, 因為我真係未見過用咁兒戲既方法去說服人地

照你既邏輯, 咁朋友愈多人既人, 講既野咪愈接近真理? 定係好似鬼神之說咁, 信就有, 唔信就冇?

我想問, 你口口聲聲話個blow back 做 ...

關於呢一樣野我統一答各位高人, 嗱首先,高人們想點樣介定個數據先?
每隻子彈裝藥量都唔同。不如大家想參考d咩數據，高手們不如大家拎出黎理性討論參詳一下，唔好下下都要我地拎數據出黎啦。
而師兄們提供既數據又點介定果一槍既後座力?

仲有就...原來平時你地買零件D廠商有做對比影片?
我眼見其他廠出黎D影片都係裝左有咩效果,冇對比過,然後就會有人去買架啦喎! (截至目前呢一刻)
甚至係得張相,D人就拍爛手掌話出左一定買。

姐係其他廠就可以直出影片/圖片冇同原廠對比, 我地作為一間新既本地小型企業就要做足所有數據對比俾咁多位高人。
咁不如我比埋設計圖出黎送比其他廠抄?唔好玩啦。

退一萬步,理性討論件事
為個POST一句說話你地可以吹風恥笑足咁耐,借問聲已經係online store上市既MWS BUFFER(extreme recoil set/super recoil set)產品既正式宣傳影片有冇講明似5.56?
又或者咁講,會唔會係咁多位師兄先入為主,將我公司一句宣傳對白既文字, 映射到我早排上架既商品上呢?
我賣緊果套零件都冇表明到係同一套喎。大家咁緊張沖出黎圍毆取笑又為乜呢?
唔可以係我地WWC仲係開發途中或者計劃擱置?

拿我唔係玩無賴，不過大家諗清楚先？
我公司冇直接講係同一件，係咁多位師兄對號入座

不過為左呢度咁多位師兄既誤會同對號入座，小弟都真係要同咁多位講聲　對唔住　！

引用:

原帖由 nagato9361 於 20-8-2020 17:31 發表
其實補品廠商好多都誇大效果，啲數又唔準
換完唔係汁到死，或姐仲廢過用原裝
做得好既當然要推薦俾槍友
做得唔好唔通仲介紹俾人咩

我認同師兄你講法. 我公司件mws buffer產品打開包裝無修直上(支槍係用全MARUI原廠零件既情況下,如果散砌我不作擔保,每一間改裝零件廠都有公差)。
我只能保證係一支開盒既原廠Marui MWS可以無修直上。
唔知咁算唔算係而加芸芸「要執數先裝到」既改裝零件之中既一個優勢呢?
至於係咪廢過原廠,咁就由師兄你地判斷啦。

總有
D人係唔買唔試就即時blacklist某D公司，就算一間幾有heart既初創企業都冇用啦。
本地人唔會支持本地公司一味死踩。我定價定得貴,賺盡自己香港人錢,我過意唔去。
畢竟我生於此長於此，亦都係呢度接觸wargame/氣槍。
我賣得平，你地又嫌我d貨cheap。

大師，好難捉摸啊。


認真講句,有d公司出件零件直抄原廠設計,單純換左物料同你講會有質變,點知買返黎仲要再執/打打下會飛野出黎,
係我作為玩家既時候都經歷唔少。


而本公司已經在市面上銷售既其他產品, 我每一批次只能保證95%以上,只要安裝係「原廠槍」之上係無修直上。
都係果句 假設你買GSB/AM/9BALL 咁多個牌子炒埋一碟散砌支hicap,然後話我公司粒Hop-up膠唔對位咁我冇野好講啦。
最緊要既係咩? 我粒hopup唔係貴,市售如果講緊你有冇旺角果間鋪頭會員都係4x蚊粒。
買大廠野貴多少少返黎冇乜太大效果就要追捧,平價產品比大家有多個選擇既下場就係要比人圍攻, 我想問咩道理。

引用:

原帖由 gabau 於 20-8-2020 16:22 發表
小弟唔係質疑你地ge產品，只係有疑問。我都係網上見過有人改到把gbb後座力超大，我都覺得gbb可以改到有真鐵後座力唔係無可能，但係請問係咪淨上貴公司套buffer就可以?唔需要改其他零件?同埋改到個recoil咁大，會唔會 ...

我地出品果件MWS BUFFER係淨係需要更換晒包裝入面

WAAR撚

forum字數限制食左　我夜d再覆

[ 本帖最後由 WAAR撚 於 20-8-2020 19:29 編輯 ]

WAAR撚

引用:

原帖由 阿堅 於 20-8-2020 21:03 發表


照你既講法唔通所有野都要買左先討論？你件野連條片都拍唔出真槍後座力既效果，你點叫人比錢去買？買左返黎無真槍後座力我係咪叫海關黎拉人定係你退貨先
然後你就一直喺度話有咩人咩人試過，我夠同你 ...

首先都多謝左師兄既分享同意見先。
但如果一件商品,係用家未購買時已經開始話件貨無料到或者純粹以猜測其產品性能。從而對品牌或者商品下判決，真心覺得呢種討論有少少無營養。

可能我本人平時作風係會買唔同廠牌既零件返黎試完先再下判斷到底係有效果定冇效果。
唔太喜歡「聽人講」然後就對商品判刑，咁當然我都冇權力要求所有玩家用同一把尺去評估

至於實測效果，如果大家都想睇下原廠同裝左之後既效果，比少少時間小弟拍過Ｄ影片大家再討論！
等我處理埋手頭上D新產品開發先

另外好奇一問，師兄打過既5.56係用邊枝槍打?
粒子彈係m193定ss109定邊種?Tactical 定 Conical? 粒彈裝藥量有幾多
我都想同咁多位師兄學下野!

WAAR撚

引用:

原帖由 ner 於 20-8-2020 21:46 發表

個網站整得幾靚, 有部分件都算平, 第一個感覺係有心
但廠家(?)既態度我覺得係已經係曲線倒米

多謝你有睇過wwc個網站早排捱更抵夜做起，我都想聽下有冇d咩改善意見
我都明白作為玩家最主要都係想有新玩具玩,
比小弟多少少時間,希望真係可以做到一間件件商品都抵玩好用既本地公司。