seals

「耳聽三分假, 眼看未為真」主題相當好！

見到聽到，都未咇係事實之全部！

明珠台幾年前有套電視叫「三更」
講美國d 警察 ,消防及救護之工作！

其中一集講，兩個警察追捕一名黑人銀行劫匪，
去到一條橫巷分開咗追，一個黑人警察聽到一吓槍聲！
他便沿槍聲去追，走到一橫巷，大驚..................

佢見白人同事，中了槍半昏迷地躺在地上，
而佢身邊有另一黑人，手持該白人警察之配槍！並曾向到達之黑人警察！
黑人警察立刻警告，警告無效就被黑人警察開槍打死！

seals

當然有下文啦！

白人警察係醫院醒番，講番件事：
原來佢追黑人銀行劫匪時，被他回頭打了一槍，
劫匪成功逃走

seals

最後黑人警察被控誤殺！

結果無罪................但講佢非常內疚！

seals

好多誤解，都係由片面支持而引起！

有個人主見係好事！
但多過頭就係主觀！
對某人某物有了偏見，先入為主，
說話就會偏激，沒有了客觀討論！

seals

引用:

原帖由 jh333233 於 27-1-2009 21:01 發表

係"之詞"呀下

我讀得書小，唔好「小」我！

seals

引用:

原帖由 gtoray 於 27-1-2009 21:53 發表


我只求 cgf 和平就夠好了
學側衛話, 大家響現實社會明爭暗鬥已經感得疲倦
返到屋企仲要勞氣, 好辛苦je

上

seals

我朋友遇到一單好搞笑嘅！

有個市民泊响街，
當時坐係車度等，老婆睇緊樓！
因個度有新樓盤，第一日發售所以好多人同車！
警察收到投訴，到現場指揮交通，
唔走d車咪告囉，該市民泊第三位，
頭兩架因無人，都俾警察告咗，
後面有司機嘅車，見到亦開車走！
個警察行到車前用手號示意個市民開車，
該市民沒有理會，警察好奇怪，
同市民講：「先生，你見唔到我告車咩，點解你唔走，係咪想我告埋你？」
市民回答：「我見到你告車呀！佢哋無司機底告呀！我有人喎你都要告？你向我揮手，我點知你做乜嘢呀............！..........你蝦我唔識嘢呀！我有人係度，你應該先比警告我，我唔走你先至告我啦........你依家係咪警告我呀？......係！我咪走囉！」
個警察聽完之後笑一笑，俾佢走咗！

又過了幾小時，該市民到報案室投訴！
聽完該市民申訴後，佢要「投訴警察未經警告就想告佢，唔按程序做事！」
報案室人員好有內性地向該市民解釋沒有這種程序！
後來改左投訴警察無禮，講嘢太大聲，令佢耳水不平衡！

seals

有日有一個司機送貨去精神病院，
送完貨都未出門口，車就爆了呔！
唯有落車換呔啦！
點知唔小心，將四粒縲絲跌哂落坑渠中！拾唔番！
一個轆無哂d縲絲，點走呀！
四嘢無人、無車、更無電話！
連精神病院都無車無電話！點算呀！


就係呢個時侯，有個院友(即係傻佬）走出嚟睇，
司機心想：「我係正常人，你個死傻佬幫到我咩呀！」
傻佬突然講：「你煩乜嘢呀，你張其餘三個轆，每個拆一粒縲絲，安翻上去，咪四個車轆都有三粒縲絲囉！再揸車去十哩外油站配番咪得囉！」
司機聽後，立刻照做！掂！走得！


司機走之前多謝傻佬，並好奇地問：「點解你咁聰明，d人都當你傻，要困你係精神病院？」
傻佬回答：「我留响到，因為我有病！係精神病呀！,,,,,,,,,,,,,,但我並唔係蠢！,,,,,,,,,你這種人才叫「蠢」！」
司機：「,,,,,,,,,,,,,,,,,,,,,,,,,,,,,,,,,,！」無言！



呢個故事話比我哋知.............傻人並不等於蠢人，蠢人並不是傻的！

但有另一深層義意，你用先入為主的眼光看世界！
就好像故事中，司機看傻佬一樣，你只是一個活蠢人！

凡事「耳聽三分假, 眼看未為真」
加入自已的思想，
聽聽別人的議見，
有獨立的主見，
因為你我不是傻佬，也不是蠢人！

[ 本帖最後由 seals 於 28-1-2009 22:29 編輯 ]

seals

無話刁民或草民！
我都係屋村仔，讀書時侯巳經又煙又酒又馬仔！
我老豆老母仲鬼咁檐心我學壞！
我老豆開橫門雜物鋪，70年代重有俾黑錢d軍裝！
所以我細細個都好爭警察，亦都無想過當差！
當差係為咗錢！唔通為理想咩！俗語有雲「有錢都唔使當差啦」！

加人隊後跟翻當年因俾少$20蚊黑錢，
就嚟我老豆雜物鋪倒亂警長！
哈！我又可以點做！

部隊教曉了我很多野，
部隊有無唔完善的地方？
有！多的是！但比我入職是好十倍！
有個警司同我講，你說你上司又衰又唔掂！
你比他更衰更唔掂！你想改變？
就要比心機坐佢個位，看看你比他好，還是比他更衰！
天天坐着 「憤世疾俗」，對事情一d幫助都無！
於是我戒煙戒酒又戒馬仔！
讀夜校做義工！
再看看自己頭上一片天，巳經截然不同了！

seals

有時我都覺得做到好無瘾！

只係一個步步高，
或者一個旺角警署色魔！

把警隊辛辛苦苦經營多年之正面形像，打到谷底！

可以點？

再做好D囉！

[ 本帖最後由 seals 於 29-1-2009 14:24 編輯 ]

seals

引用:

原帖由 RoyalMarine 於 29-1-2009 17:03 發表
講開衝燈, 草民又有個case啞口無言. 話說小弟喳車以來黃燈都唔衝多支. 有晚在西九龍某街道, 料不到相距不足一百米內有兩支交通燈, 該路段是三線行車, 我的左前方右前方同正前方都是三部十六座小巴,   當我由停低到開車跟佢地過左第一個燈位之後, 佢地"品"字型包圍住我, 第二支放在左右兩面既交通燈同前面地面既停車線完全受阻, 而由於少到果頭唔熟路我既車速亦少於三十公里, 多於兩秒安全車距, 但當我發現有第二支交通燈時, 左右兩支燈都在我的車後, 原來三部小巴都是衝黃燈尾, 而我就已經是紅燈, 望一望倒後鏡, 閃左.

唉, 我覺得我無犯錯, 但面對住一張衝燈既証據, 草民又可以點做? 為左費事麻煩, 硬食扣分兼罰錢了事.. ...

如果你講嘅係事實！
你唔係衝紅燈喎！

seals

你留意唔到路面情況！



呢D叫不小心駕駛！

[ 本帖最後由 seals 於 29-1-2009 21:27 編輯 ]

seals

其實衝紅燈後俾警察告係件好事！



因為點好過衝紅燈後，俾警察送去醫院或XX !!(大家利是，吐口水講過)

seals

引用:

原帖由 RoyalMarine 於 30-1-2009 14:21 發表


  就係呢 d 官咪俾人鬧 9 官囉!!! 點解一定係司機有問題? 點解唔可以係路面設計有問題? 係咪政府做既野就無問題?? 又係果句呀嘛, 我可以投訴嘛!

我已經講到明我唔熟路架車已經行得好慢, 大佬兩支燈前後咁近, 頭頂又無燈, 前中後有大車已經遮晒睇唔到. 果度 d 車咁密, 我係咪要每次第一支燈唔Q行又唔Q理後面 d 車停係度再望清楚前面一百米內有無第二支燈先? 定係要心靈感應下邊q度有 d 睇唔到既燈呀? 係的話你留你個contact俾我, 我就載埋你去果度試下停低係度等你 d 伙記黎你同佢講. 如果唔係阿sir你不如建議下我當時應該點做.

真係火都黎, 錢你罰 Q 左分你扣 x 埋, 仲話係我唔小心而導致. 果度一定係衝燈黑點, 所以有相機, 但我覺得一定有其他case同我差唔多. 我認同果支燈提醒左我下次去果度要留意有第二支交通燈而避免意外, 但我相信如果係其他地段再有近似既情況同路面設計我一樣會衰多次, 而呢 d 不負責任既說話真係會逼 d 刁民出黎同你刁過....

又咁火爆做乜！

我都係講番過舊 Case 俾你研究吓啫！

你看看Cap 374 不小心駕駛 定義！你中哂喎！

章： 374 標題： 道路交通條例 憲報編號： 33 of 2000
條： 38 條文標題： 不小心駕駛 版本日期： 01/07/2000
(1) 任何人在道路上不小心駕駛汽車，即屬犯罪，可處第2級罰款及監禁6個月。 (由2000年第33號第3條修訂)
(2) 任何人在道路上駕駛車輛時，如無適當的謹慎及專注，或未有合理顧及其他使用該道路的人，即屬本條所指的不小心駕駛。

http://www.legislation.gov.hk/chi/home.htm

[ 本帖最後由 seals 於 31-1-2009 00:52 編輯 ]

seals

引用:

原帖由 RoyalMarine 於 30-1-2009 14:21 發表


  就係呢 d 官咪俾人鬧 9 官囉!!! 點解一定係司機有問題? 點解唔可以係路面設計有問題? 係咪政府做既野就無問題?? 又係果句呀嘛, 我可以投訴嘛!

我已經講到明我唔熟路架車已經行得好慢, 大佬兩支燈前後 ...

真係火都黎, 錢你罰 Q 左分你扣 x 埋, 仲話係我唔小心而導致. 果度一定係衝燈黑點, 所以有相機, 但我覺得一定有其他case同我差唔多. 我認同果支燈提醒左我下次去果度要留意有第二支交通燈而避免意外, 但我相信如果係其他地段再有近似既情況同路面設計我一樣會衰多次, 而呢 d 不負責任既說話真係會逼 d 刁民出黎同你刁過.

你咪「刁」我啦，我又「刁」番你，「刁」來「刁」去，咁又有乜義意呢？

平心靜氣！

你可選擇上法院自辯，同映咗成係街D相，俾法官睇，！
法官看到d相，紅燈可能俾嘢遮咗！
引致你看不到燈號，法官信你咪無罪囉，
但法官唔信你，仲有機會改判你「不小心駕駛」！

你搏唔博，你想想！？
搏嬴咗，唔使交錢、同扣分，仲可能避免好多交通意外添！

搏輸咗，除時罰兩三倍罰款架！你想想！？

不過我做人原則，無做過一定唔認！
做錯咗，一定認！

仲有呢度係討論區，大家互相俾下面，吹吓水啫！
唔好咁勞氣啦！

[ 本帖最後由 seals 於 31-1-2009 00:55 編輯 ]