今日係統X仲搞嘢,
有個老豆帶住個4-5歲嘅仔係度嘈,
話說佢噚晚買咗支左輪!
佢話番屋企打到無氣,想再入氣就入唔到!
店員一睇:「先生你支槍拆過喎！」
老豆:「我無拆過,噚晚已經係咁!」
店員:「噚晚試過時無問題,你先俾錢!」
老豆:「噚晚咁夜,點睇呀!..........拆過!........你賣支舊槍俾我就真!」
店員:「我哋從來唔賣 舊槍嘅.............不如留底俾師傅睇睇!」
老豆:「咁點計先?你哋賣舊嘢俾人喎!」
店員:「你留低電話,師父會打俾你報價!」
老豆知道可能要錢就大發皮氣大叫:「你哋賣舊嘢仲要我俾錢整？！...........」
全間鋪d人都望住佢,目的就係等你做唔道生意！
我忍唔住出聲了：「先生！我玩咗廿年槍,如果好似你咁有得換,就無得頂啦,但係成條槍街都係貨物出門恕不退玩架啦,無謂為咗一百幾十嚇親個小朋友啦！」
其實佢為咗小小錢，係個仔面前發人皮氣，搞到個仔震震吓，一直目定口吊無出過聲，俾佢嬴咗都唔夠個仔睇医生啦！
呢d真係唔好大，教壞細！
[
本帖最後由 seals 於 12-9-2009 22:35 編輯 ]
