經過一年不斷上網睇post+自己睇書+慢慢儲錢
終於有錢買DSLR
對DSLR都有一定認識
但問題就出現啦!!到底.............買KIT,買BODY+A16(下稱T)定係買BODY+S18-50(下稱S)好呢
價錢都係差唔多,點解我會唔簡買KIT呢,因為好多師兄都話KIT LENS成像比較差,買A16/S18-50比較好
於是我上THE-DIGITAL-PICTURE.COM慢慢睇,發現:
最廣角下:
全開光圈下:KIT比T既中央邊位同角位既成像都比較鬆,而且紫邊較嚴重.
KIT比S的話,同上面差唔多.
但如果S同T比,S邊位比T好,但角位又差番T少少.
F/4 :KIT同T比依然係T實好多,不過T既邊位去到最邊反而差,仲差過KIT,但整體都係比較好.
KIT同S比,唔洗講,KIT完全輸左.
S同T比,T除左個最邊既位唔得之外,係SHARP過S.
F/5.6 :KIT已經慢慢追到S,但依然係好大紫邊.
KIT同T比,中央同角位依然優勝,嗰個邊位仲差過KIT,如果唔係KIT紫邊嚴重的話,KIT係邊位上已經超越左T,雖然兩支鏡既表現都唔係好好.
T同S,中央差距不大,角位T好少少,邊位S好D
F/8.0 :S既成像冇提升到,KIT雖然好左,但依然不及S.
T既成像都係冇上升,雖然邊位唔好,但因為KIT既紫邊太勁,所以都係比KIT好.
S同T比都係同上面一樣:中央差距不大,角位T好少少,邊位S好D.
50MM:
全開光圈下:由於KIT唔係恆定光圈,冇得同S/T比較.
S同T比,都係同上啦.
F/4.0 :S同T都仲係同上....
F/5.6 :........
F/8.0 :........
基本上,係廣角同50MM既焦距上面,3支鏡只要光圈相同,成像都唔受焦距影響,除左kit lens冇曬紫邊外
咁......................師兄,點簡好....
可能會有師兄話,唔好理咁多啦,反正唔crop到100%睇,佢地都係一樣架啦,我都試過咁樣同自己講
但真係怕自己知支鏡crop相之後,成像真係差過自己比差唔多錢買到而冇買到既鏡,個心會有條刺係度......
所以請各位師兄比下意見......THX~~
