ryankathy

引用:

原帖由 seamoncheng 於 5-4-2010 20:19 發表
你都識講啦,到後期先開放丫ma
香港就回歸比中國
英國咪開放香港政治制度比華人上位囉
反正都要香港遲早都係由華人話事
之後講民主,煩既又唔係英國,煩都係煩共產黨姐
你唔係連咁都唔明呀ma
仲有你 ...

1980-1997時你覺得如何?
1997時比1980前更差?
民主煩嗎?英國都煩左幾百年，美國由一開始就煩足咁耐，咁其實你係咪覺得唔應該民主?咁政治制度點先岩?

引用:

原帖由 seamoncheng 於 5-4-2010 20:23 發表

如果一d"制衡"都無既就一早起左啦
洗等到而家
btw,我唔係話而家既政制好,
只不過係唔認為港英政府比而家既政府好

個班人拖只係劉慧卿得到親政府支持成為財委主席，以程序為由俾機會班民主派扮死雞，政府有心硬上馬，任何非如政改既政策要通過只係等議員理性又好不理性又好吹完水就過，何制衡?真有制衡係你有見議，我可以否決。真正既監察係我認為你要講我知既政策，你一定要講，而唔係講又得唔講得，講d野九唔搭八都得，照樣等程序一到就通過
至少英治最後幾年既政治制度比而家好得多，佢地有咩諗法唔重要

[ 本帖最後由 ryankathy 於 5-4-2010 20:56 編輯 ]

ryankathy

引用:

原帖由 sam524 於 5-4-2010 20:41 發表

唔好話中央選唔選到個好o既出黎...
好唔好唔係中央話...係香港人話...
之前呀權哥初初出黎個1-2年...
大家都差唔多一面倒話權哥好,做到野...
之後大家又話權哥喱樣個樣...
只因經濟唔好...
經濟好時,出咩政策 ...

權哥我都無睇好過，而且選完後d人覺得唔好係正常既事，預左，美國係咁，台灣都係咁，英國都應該係
個重點係，呢d事應該點樣先岩，你不能話我有飯食就咩事都可以唔理，咁樣同而家既香港人景就當你大帝唔好景就當你泥無分別
如果1997既政治制度係民主既，至少有d事件我地可以做到少少事。如八萬五之修正，23條事件

ryankathy

引用:

原帖由 sam524 於 5-4-2010 20:48 發表

根本就投票都係做SHOW...
選之前...
我會做A同為大家xxxxx...
選完la...
只係識嘈...咩都唔做...
結果一樣...

我覺得只係以而家d議員去想當然民選特首既情況，民主政治制度有所謂彈勢與弱勢。強:行政同立法都同聲同氣，弱:立法會受阻
強就一定少嘈，弱就一定係多嘈同時所有野都難以通過

關鍵都係民意操控既選票度

回應你關於共識，其實共識我覺得係大陸佬講既，從來民主都係妥協，向最大民意者傾向，此為尊重每一個人(大多數)既權利既最有效方法

ryankathy

引用:

原帖由 sam524 於 5-4-2010 20:49 發表

納粹唔錯...
個時人人都當希哥神o既拜...

所以整個德國都為之得到教訓

ryankathy

引用:

原帖由 stoneTS 於 5-4-2010 21:08 發表


你知吾知97前立法局+市政局有幾多個直選議員？
英國佬臨走前為左落實中英聯合聲明中呢個承諾...
97前10年不斷增加直選議員..但被某中方官員大駡..要另起爐灶..
呢段歴史..希望大家要記得！

我記得好清楚，老董當時以兩局重複職能加上少量蛇王低層員工問題夾硬殺局，事前又話會俾番類似既議局我地，但一下就食晒，多得全力支持個班
千古罪人仲正，中央自己立左法係咁樣行，自己就咁食左，所以而家民主派先係咁要講清楚普選何時同係點樣既普選

ryankathy

中國一向表裡不一，佢地走向世界做大國係用咩形象係另一回事
民主制度就係怕全世界都係痴線得你一個正常

儒家從來都唔係我杯茶，因為跳唔出倫常既frame，孟子好一點，於佢眼中統治者都係民主形成既，不過少人提

根本最正既係墨家思想，不過中國咁多千多統治者認為咁係最不利，而現時香港最多都只係法家思想，未能進入墨家領域

事實經過咁多歷史教訓，人們唔會再咁易受迷惑(被納粹洗腦)，會放修正更多民主制度，防止獨裁(希特拉得權之法)

ryankathy

引用:

原帖由 sam524 於 5-4-2010 21:44 發表

其實差唔多個個國家都表裡不一...
孟子唔係儒家嫁咩?...

孟子係儒家，只不過佢既意思其實同孔子已經有大分別
孔子比我覺得係周朝時既理想形態，一切重禮，對人既關係保守(君臣父子論)
孟子認為，民為先社"積"次之，君為輕，重夠膽講，紂王是為"網"夫非君也，可弒

不過政治就兩者都不敢認同，黃易於尋秦記中項少龍一語道破儒家最大問題係幻想人人都可教化成聖人，事實係唔可能，反而呢點道家仲可行-愚民。但最好都係法治，之後以墨家洗腦

ryankathy

引用:

原帖由 stoneTS 於 5-4-2010 21:54 發表


香港最大禍害係舔陰犬當道！
呀爺接收錯誤信息！>_

唔係接受錯，各國都係咁，大財團一定會操控政治，而中央不折不扣係保守黨類物體，一定係同商家佬互送利益

引用:

原帖由 stoneTS 於 5-4-2010 21:56 發表


變緊架喇
要同祖國按軌呀

變好多，一過97先變立法局，再殺兩市政局

[ 本帖最後由 ryankathy 於 5-4-2010 21:59 編輯 ]

ryankathy

引用:

原帖由 XDD12348 於 5-4-2010 22:14 發表

我以前都有一個相近的疑惑

我認為一個比較合理的解釋是…

中國對香港實行一國兩制，英治時期則是絕對要跟隨英國的政策

對香港人而言，香港想行甚麼就可行甚麼

所以對普選的聲音日漸加大

http://zh.wikipedia.org/zh-hk/%E ... F%E6%94%BF%E6%B2%BB

ryankathy

引用:

原帖由 stoneTS 於 5-4-2010 22:15 發表


西方國家靠政治體制取得平衡
祖國.......冇可能

最大分別就係呢度，所以香港窮人全部都係法律面前

ryankathy

引用:

原帖由 sam524 於 5-4-2010 22:18 發表

又黎...

我都唔想，一係就copy，一係就佢自己去睇，我自己重新再打都唔夠wiki班人多字詳細有ref，當然信不信由你

ryankathy

引用:

原帖由 sam524 於 5-4-2010 22:34 發表

都係個句...
輸打贏要...

一定係有，但英人同共產黨人既意識形態都有大幫助，說到底，英人係政治審查方面唔會咁強烈，一來始終華人地方，無得避，二來英人唔擔心香港有分裂既危險，因為易手係事實，三來英人一早用更多教化分散注意力既方法化解左。
而共產黨不信任香港有民主，亦三大，一64發生生百萬人上街支持學運，使共產黨認為香港人抗共心強，所以怕港獨，二中國本身都怕民主係大陸既發展，香港咁快有，佢地怕影響埋大陸，三來中國幾十年都政治鬥爭文化強盛，拉攏自己人乃中央必要手段

ryankathy

引用:

原帖由 seamoncheng 於 5-4-2010 22:45 發表

你都識講係英治最後幾年啦,英國比你民主對佢本身無咩影響,反而大陸就好麻煩
所有政策都會有人反對有人同意,如果政府真係好似你所講咁,
d政策一有人反對就政府就停步既話,政府又會有咩效率可言呢?
我個人認為民主 ...

民主唔需要幾多政治教育，更多既係法治，同尊重他人既權利，唔好輸打贏要
梁國雄問題在於?外觀定係佢於會內上演街頭示威那一套?你可有與梁國雄支持者對話過?有否留意梁國雄在議會上既理性發意?新聞片係唔會有，youtube有好多，我認為長毛好過好多現今議員，佢係議會做咩唔關我事，最重要係佢如何利用佢作為議員既權力，即如同歌星唱歌得就可以，佢搞過幾多條女吸毒都唔係我應該理

英治最後係用左幾十年發展民主，我年輕，只可以由1980年代開始親身體驗，那時兩市政議員由民主直選，直接對區內建設左右政策，一直到1995年極高民主成份既立會制度，上到1997都無事，一過左就廢左呢d民主制度，我就算唔想將97後變左入呢樣野數，其他人亦難免有呢個想法
民主到底係對大陸唔好定對香港唔好?有共產黨無民主，問題係共產黨定民主?
我無話過政策有人反對就停，只係以民主制度，可以限民意走，或者係唔跟而帶來被選票放棄既後果，然後歷史會還你一個公道，有效施政就係先得民心組出一個強勢政府，咁行政立法暢通就有效率，不過唔一定做得岩

ryankathy

引用:

原帖由 seamoncheng 於 5-4-2010 23:15 發表

民主唔需要教育??所有人都無智識既時候佢地會選d咩人出黎呀?請食飯果個嗎?
梁國雄呢d人有咩資格去做議員呀?搞事佢就叻,佢做過幾多有建設性既野呀?
人地請食飯,佢就拎人張單向政府claim錢,呢d咁既人都可以做議員嗎 ...

我話民主唔需要特別再教，唔通你話我聽你受過好多政治教育?
我就唔係啦，從一開始我同你一樣，只係睇新聞見梁國雄既粗暴覺得佢傻既，都覺得佢都有得入立法會唔係啊嘛?但係佢入左後再去認識佢，覺得佢好過那時既議員好多
再來建設性呢野樣講左好多年，何謂有建設性?提議?理性發言?你上左youtube睇左立會法會議紀綠未?
"人地請食飯,佢就拎人張單向政府claim錢"可出ref嗎?但就算係，我都唔會覺得佢係衰過現今大部份議員，都係個，選議員係代表自身利益，唔係選聖人，只有那些出賣人民既人先係無資格做議員

[ 本帖最後由 ryankathy 於 5-4-2010 23:23 編輯 ]

ryankathy

1.那到底如何先係"對政治要有番多少認識"讀書讀到咩程度先有?中五?未來既中六?定大學都唔夠?
2.就算要教人民主係咩，都唔駛study好耐，一張紙就講完，呢d野要做既都係政府做，你都係想要遁序漸進者?點樣先會你心意
3.如果咩ref咁無得好討論件事，但就算有我都答左你
4.個d事有無建設性並不代表你答左我咩係有建設性，而我不怕煩再話你聽，我唔需要聖人做議員，聖人除左儒家先人把口有外，我無咩見過認識過，youtube同立會有好多紀綠，你可以睇下d議員既表現係點，就算議會變成台灣咁大打出手都唔關我事，被人打既係官同議員，最後被人拉既都係議員，佢地只要係權力運用時合乎我利益佢就係好議員。

你俾我感覺你只係覺得某人樣衰唔岩你咁，唔係以事論事

[ 本帖最後由 ryankathy 於 5-4-2010 23:41 編輯 ]