退役兵

上月八號伊拉克炸彈襲擊政府大樓.百多人死亡.五百多人傷.當中有一名港人僱傭兵被當場
炸死!現時約有二十多名港人以合約形式在當地服役.多為前華兵,義勇軍或退役特警.希望各
位於太平時代的年青人員要好好珍惜生命!有人在戰火中千方百計求生.但時下年青人可以
為小小事自殺.亦希望各位睇到本文既師兄們專重死者.請勿惡言回復.多謝各位師兄!

退役兵

引用:

原帖由 B20_hk 於 5-1-2010 11:05 發表
看來樓主認識此君

咁就請師兄唔好公開小弟身份.師兄可以pm我.

退役兵

多謝大家關心.小弟會將此訊息轉告死者家人.
本來小弟一向好小上論壇.就算上都係睇.今次算係小弟第一次响公眾論壇發表言論.只係希望
比多啲人知道呢件事.同埋生存有無意義唔係睇眼前呢刻被某事所困.而係另自己生命活得更
有意義!雖然生有時,死有命.但小弟既格言係做人最緊要活得精彩,死得痛快!無論係响伊拉克
既僱傭兵或香港既兩位工人.佢地响事發前都唔知自己既下場.所以我地先要活好每一天!意外,
疾病......可能我地控制唔到.但為目前既困景自尋短見就絕對不智!好多時人以為自己走到入
絕路.但三年五年十年後記返前塵往事可能只係笑話一場.而家既年青人既心態小弟唔敢講.但我地小時候响學校做錯事罰見家長就覺得好似天崩地裂咁大件事.但而家睇返轉頭咪係笑話
一個囉?!
.

退役兵

引用:

原帖由 MG-42 於 5-1-2010 16:06 發表
僱傭兵是一種特殊的兵種，是一班為了個人利益而參加一場武裝衝突的人。僱傭兵參戰的目的只是為了金錢獎勵，只要對方出價夠高，他可以受僱於任何人。僱傭兵參戰並非為了意識形態或政治信仰、愛國主義或是道德原則。 。 ...

MG42師兄對僱傭兵既講講法可謂一矢中的!小弟非常同意師兄既講法.絕大部份僱傭兵都係為錢而打唔關事既仗.但亦有小數例外.其實响97回
歸前當過兵既人而家佢地做緊乜呢?以我所知.如果當時年紀許可既話有好多都轉做警察或其它紀律部隊.但年紀唔許可呢?我地呢班人多年學
既野响香港呢個商業社會有咩可以做呢?當年亦無咩再倍訓.唔係唔肯做.但一時之間係唔識點做.試諗吓一日之內有成千上萬既人失業要搵工
會係點?當然當過兵既人心態唔會咁被動.一定搵到出路.可能各位師兄會話:車!當兵條路係佢自己選

退役兵

架嘛!但响七,八十年代到九十年代初.如果讀書唔成又無一技徬身.去勞工處搵工.只要無殘缺
或者唔係太瘦弱.好多時都會叫你去當兵.好多人就係咁"儍吓儍吓"當咗兵.解決當時既生活問
題.我相信好多人會覺得自己"懷才不遇"你而家份工真係你既理想?興趣?事業?响香港當過兵
既人可能會多一種"英雄無用武之地"既感覺.其他人小弟唔敢評論.但我地幾個舊伙記就絕對
唔係為錢而做呢樣野.我地全部都有工作.所以我地唔須要為錢搵命搏.我地只可以做短期合約.我地幾個無學識,無專長.但又想幫吓人可以做啲乜?時也命也.有人介紹之下我地做咗呢份"散
工".我地每次收到既"工錢"都會將90%損去啲紅X會,救X軍,東華X院或者教會等等.而家資訊
咁發達.各位要知真定假一啲都唔難.我地每次都會用"儍兵"既名義捐款.淨低10%都唔夠儍兵
們買裝備.我相信好多人都唔認同我地既做法.但响儍兵們既心態一黎可以"學以至用"二黎可
以完咗自己既夢.又可以幫吓人.因為我地只有呢小小"技能"其它乜都唔識.好似打呢扁文都用
咗幾個鐘頭.又唔知點解會斷開咗?電腦都唔識用!你話我呢個老野有咩用?儍兵們以後都會保
持低調.各位打Wargame既師兄外人叫你地做"假日戰士"我地呢幾個儍兵都係假日戰士希望
睇在大家都係"假日戰士"份上唔好見怪.特別係MG42師兄請多多見諒!小弟只係借師兄既版
位講吓心底話.Sorry!Sorry!!

退役兵

引用:

原帖由 T-800 於 8-1-2010 15:52 發表

呀(俊哥)好耐無見喎,乜咁錯盪呀..............,得閒多d上下來嘛........
PS.我乜都唔知架,乜都無講架....... sorry!


happy shooting!

你係咪想我滅你口?你知我啲槍法幾爛架啦!到時打到你身邊既"親朋好友"就唔好啦!哈哈!衰佬講笑喳!
你一定要健健康康呀!如果你呢排行街PK啲人都入我數呀!

退役兵

引用:

原帖由 hermanht 於 7-1-2010 09:07 發表



開工唔用安全設備, 你死左唔單只冇保險, 令到生前保險費白供, 更加有可以累到你老闆同公司. 如果under my watch, 係, 你冇得選擇, 一係同我戴Safety Belt, 一係就過主. (但我諗軍警應該唔係咁計?)



大把 ...

麻煩人師兄.你都有你既道理.但係"儍吓儍吓"當咗兵只係小弟既謙虛講法.如果真係儍吓儍吓?响戰地存活一日都有難度.
我地當兵學既野絕對唔少得過一個大學教授或者講師.只係大家學既野唔同.至於責任問題唔使閣下担心.我地自己會負.
亦唔需要任何人同情.只係希望師兄尊重死者.大家用平靜心態去發言.唔需要過激言辭吖?多謝師兄!

[ 本帖最後由 退役兵 於 10-1-2010 05:50 編輯 ]

退役兵

引用:

原帖由 jwlchan 於 7-1-2010 23:58 發表


70-80年代香港生活艱苦, 當兵其實係一個好出路,,衣, 食, 住都無缺, 任何其他行業都冇咁既!

“傻下傻下去左當兵”? 當兵其實好少”傻兵”, 傻兵一定不能長期生存……能用當兵做終身事業我相信比其他行業更難… ...

jwlchan師兄.當過兵既理解力真係唔同.一睇啲言辭就知.因為雲雲回復者當中就只有師兄一位明白小弟既"儍吓儍吓"係咩意思.
年代唔同.而家啲年青人未必明白我地果代.正如我地都未必明白而家既一代.多謝jwlchan師兄明白.

退役兵

引用:

原帖由 四眼仔 於 10-1-2010 03:20 發表
RIP

人生每一日都係賭博,可能今晚訓左,聽日起唔到身,邊個知?PMC收穫在乎風險,高風險自然回報大,都係賭姐,就好以你同我咁.....你今日係選擇左一個低風險賭博,但唔代表你唔會輸

想一想背後,你咁努力工作搵咁多錢 ...

四眼仔師兄.多謝你既明白.師兄既言辭都好似一個當過兵既"男子漢"死者家屬睇到師兄既回復對佢地係好大既鼓勵!多謝!