引用:
原帖由 G3A3 於 16-1-2008 09:23 發表
完全認同師兄所講！因為舊年在槍街都發生了一單類似事件。
我都試過啦，前年我都有一單，仲係槍街見慣見熟的人，當時我拆一支RASII改款，有一個叫啊衡的肥佬搵我買全份包括RASII, 真品準星，真品火帽，鋼管，真品前cap和Dring，回氣和金身，講好左價錢，之後交收時居然突然話當日只能付三分一錢，要供三個月，我見佢玩左咁多年，又同我Ｄ朋友人熟，成日係名刀店內出現，又在我朋友公司做過，就信一信佢，但我都叫做醒目地唔肯俾晒D件佢，即場在名刀店內拆走RASII和火帽唔俾佢，等佢第二期俾火帽，第三期先至俾手托，佢當時好有誠意咁話得，咁我就咁由得佢啦。
到第二個月，我打俾佢，cut我線，打左幾日，之後搵個細路聽，話佢上左大陸冇帶電話，唔知幾時番，跟住我都費事打，到第三個月，我再打，逢打必CUT, 唔用來電都CUT,
之後我用儲值卡打，即聽，但一知係我再CUT, 佢真係當我LAW拔，我就當佢係乞兒，第一期的差額我都費事理，當俾錢睇一個人算數。
之後有一次打GAME, 我另一個朋友居然話佢想打，當然，果個肥衡唔知我係果場GAME個host, 順手執佢一劑，我即時叫我朋友叫佢，但已同我朋友單左聲佢信唔過，佢報左5個人，但打game當日話得２個人，仲要係奉旨咁，我當日點名即時在大巴廿幾人前少佢，我話佢係咪當打街場，話唔來就唔來，要佢咩番佢果個朋友票，因打化淡廠，人數buffer冇其他場咁鬆，幫佢扣一個，仲要俾番兩個人頭，佢話冇錢，跟住我朋友話幫佢俾住先，我唔想我朋友蝕底，叫我朋友問肥衡睇佢銀包有幾多俾幾多先，我朋友話信佢同埋唔好意思咁問，之後幫佢俾晒，我叫佢睇實肥衡，跟住打完出到旺角，我問我朋友，你收番肥衡錢未，我朋友話，
一落車，佢直情冇理我朋友，即刻消失左，直至現在都追唔番果三百八，我都提過我朋友，佢有問題，後來之前在佢做過的公司同另一個人講開先至知，公司懷疑佢曾經穿過公司櫃桶底和偷左老闆朋友野之後冇報警，炒左佢算數。
