亞延

今日星期六個個都開開心心一家人去行街,我如常我既工作啦
咁到打呢篇文前幾小時,我隔離舖頭既一個職員留意到一位八旬老婆婆響道遊蕩
開頭都以為佢等屋企人...點知愈行愈耐,職員就同我講件事.
咁我就行埋去問婆婆等咩啦,點知呀婆語無倫次,
一時就等仔一時唔見仔一時又等老公,重點佢話唔見左個仔兩日
咁我評估左佢既口吻係老人痴呆症狀,身上一陣臭味又瘦到皮包骨,情況唔係咁樂觀
佢又行黎行去我地擔心佢係失蹤人口,於是我就刻意同佢傾下計拖延時間報警
我舖頭咁岩有一位響機場做野既客仔,佢道出年中都有不少人用類同手法放逐長者到機場之地,
咁佢即時顯出佢既憤常工作模式去查問婆婆啦
多次再問之下佢終於肯信我地俾我地問佢袋中有啲咩物品,
點知只係得一條用到黑左既臭毛巾同一條掛左住址同電話既名牌
我地果刻既心情就好似玩逃出房間搵到最後一個機關既心情一樣
咁即刻打電話俾佢屋企人啦,一問之下電話係佢個仔,點知換黎既答覆.
點解佢出左街架?接佢?我返緊工喎!我一陣搵人接佢啦
真係佢親人黎?點解可以冷淡到咁
其間其實管理處有人黎問我咩事,但食蕉就好似唔想上身咁問完我貴姓就走左,
仲叫呀婆要坐就出門口坐唔好阻我生意(關你x事咩?)
未幾管理處人員居然自行用我名通知警方 ,我唔介意要我協助,
我都已經打算等婆婆坐順條氣洗下個面就報警,但點解用我名我自己都唔知=-=
最後報警後一個鐘佢既屋企人先於管理處接返老人家,下一次走失唔知有無呢次咁幸運

有時唸下老來下場會唔會好似佢咁,活在當下.一個生你出黎既人,即使有國仇家恨都好呀,真係唔明狠心不理最親死活既人心境係點
唸起都心寒...我心中當時真係有一個想法,我係呀婆我會搵幢高啲既樓跳左落黎算鬼數,大家都唔洗煩

亞延

引用:

原帖由 surefire0828 於 12-9-2009 21:09 發表
用你名可能唔想惹麻煩

唉~老人家唔係應該要黎孝順既咩?

唉,個食蕉唔想個薄花就去用我名唔緊要,但佢唔同我講就有那過=-=
呀婆我同佢一次接觸果時佢未講野我已經見佢對眼係白色,視力可能得六成或者更差
再講自己既處境,我心唸第一句已經係"x...點解會咁架"
我個客話年中唔少人帶公公婆婆到機場收起晒佢個人資料財物由佢地等有關部門發現
機場只係一個好很大既紙皮箱,放低一啲唔可能識路返家既老人家等有心人去救佢地...佢都話睇到化左
幫到既就幫,我都唔想下一次見到佢就係響報紙或者新聞上