亞延

今早十一點左右到左ssp.....上緊D2出口已經心知不妙....意想不到咁多人,起碼上千人
其實我係半工半私去,因為要出去拎貨順便幫女友買佢心儀既ipod音響....
行到兩點ssp已經多人到封左桂林街d2出口,福榮福華街要人流管制,部份黃金出入口封閉,所有車迫晒出長沙灣道,成個ssp塞到爆
我主要係買相架同埋micro sd....仲有notebook,不過都唔係話得好抵,最後都係買左打micro sd
我女友果個先致命任務.....50蚊套既i pod喇叭hifi.....完全真人版dead rising,個個好似十世無食過飯咁.推入去個單位
最後等到兩點半先買到佢要既野,不過都抵玩,可以兩份用,唔岩拎黎掟都抵
不過飲恨買唔到個原價800蚊但250蚊可以買到既數碼相架
有無人今朝同我一樣去左迫,我一連三日都仲要去做野,呢幾日繼續搵平野執

亞延

引用:

原帖由 FNP90xvhk 於 5-12-2008 16:23 發表
辛苦晒.........我打消去行既念頭喇

真係好迫,我覺得仲迫過我早兩年行維園花市
到一點果時"陰"洲街直情封左條左線俾人行,亂到想死,我唸last day會多平野執啲...
我主力留守響86舖執佢啲特賣野,不過但左幾個字已經要走,太多人而且好亂驚有文雀

亞延

卡睇過晒唔係咁抵架渣,micro sd都一隻隻款平,整體係買佢地啲特價品
不過真係重點係多人.....真係多到行唔到....平時行一分鐘既路都塞到你唔想行,想行既最好預早啲行.想買平野既最好睇定要邊樣先行入去,唔係入左去人海汒汒真係無引

亞延

我聽日都一定會再去,
去既人要注意既事項:
最好唔好咩背袋,因為真係太危險.以我就先行大街睇邊間掃貨,買到野就直接內街推進,咁就唔洗同人迫
臨出發前準備定現鈔,櫃機只有MTR同桂林街同福榮街交界幾台
如果中銀機除左MTR就只有長沙灣道分行,一定排長龍
盡量忍讓,現場充斥大量爆炸桶,小小事都好易有口角
了解現埸出入口,如果無管制最好響D2出口一出就向M記,即陰洲街方向行,咁就可以由頭順行到尾
人有三急就只有陰洲街M記公廁最乾淨.....
食野梗係首選落返福榮街啦,食返碗維記大光面再殺過
以上係我每日出SSP加埋今日既行程所得

亞延

引用:

原帖由 亞龍 於 6-12-2008 00:02 發表
有................
不過我唔識電腦D價，唔知平左幾多！

其實平得唔算多..好似MSI有部平左一千蚊..有啲平左都唔會用到....因為功能根本接受唔到....
如果MON果啲我就等LAST DAY,班友仔興尾日黎清倉,最後一日先同佢死過