小弟無咩時間玩呢隻遊戲。不過粗略咁試左XB360版本玩過一兩小時
評論佢好唔好玩我好似未夠公道，不如講講呢隻game個歷史先…其實隻game既引擎地圖故事設定早於2009年已經電視遊戲展09公怖
而設定本來係為TURE CRIME:HONG KONG而做…但其後不明原因開發公司United Front Games被Square Enix London Studios（下稱SQ)招攬
而等到今年2月先因為SQ響DPS會議上有sleeping dogs呢個名響歐洲做註冊而俾人猜測係咪有新一集Kane & Lynch時先發現Ture Crime:HONG KONG換了名
然而由開發到發行已經足足事隔三個多年頭…畫面質素細膩度難免有點先不足。不過公道說話以幾年前既功架我倒覺得佢可跟《我如龍》比較
我認為以地圖結構，人物設定，資料搜集等等如果以10分作評分我會評8.5分
地圖上姑勿論不應以真實地形作比較…作為一隻以香港作背景既遊戲，某程度上應具備外國人心目中既描繪
廟街，光管招牌，竹棚，避風塘，橫街雜巷，中國宗教好多細緻上既香港其實開發團隊響搜証上都幾做足功夫
配音方面我唸更唔需多講…聽到攝影陳把聲同偶有廿四味既音樂應該都估到有香港團體協助開發
記得執行監製Stephen（已忘記佢全名）為SonyPS3做專訪時就提過為呢隻遊戲做資料搜集就已經響香港攝影多達35000－40000張照片
而且請左一喲退役警員，反黑組等等專業人仕去了解香港黑社會文化以及俗語等。
地圖開發團隊本身有部份人係響Rockstar請返黎，基礎團隊更加係開發Need For Speed既Black Box Games前成員。
本作陣容其實係大卡士製作…如果有人話佢同GTA不能比下去。我會覺得或者只係佢生不逢時，又或許玩者錯誤對比了…
以2012年推出到呢個陣容既作品我較為期待 United Front Games開發續集加以改良。
其實呢隻game當中有好多本地制作團隊參與…某程度上買正版已等同支持緊本地創作。
遊戲業既前境已經愈見黃昏…希望大家支持下正版。容納下更多創新作品
