alexl

近日周圍D人都話樓價太貴, 買唔起, 連做律師、醫生夫婦都買唔起.   我睇就唔係, 事在人違.
記起97至03年, 樓價跌, 負資產, 有樓就大大鑊.  又有大班人叫政府托市, 個陣時, 人人都唔買樓, 只會租樓住.   
一句講晒, 有樓想樓價升, 無樓想樓價跌.   樓市升升跌跌, 政府駛乜理, 要理就理最低收入家庭有基本房屋住.

兩、三萬月入家庭買唔起樓, 睇下買邊度同買幾大. 三十萬加月供七、八千可買二百萬新界六百呎十幾年樓.  幾皮野收入, 儲幾年錢點都夠首期.
買唔買樓係個人選擇, 唔好乜都叫政府.

alexl

引用:

原帖由 亞延 於 27-3-2010 18:59 發表

幾皮野收入???你出左黎做野未??
如果而家個個都幾皮野收入就唔洗嗌樓價貴啦大哥...仲要計埋人口老化架
幾皮野個月唔洗供保險唔洗養老豆老母唔洗病唔洗食唔洗玩咩

如果你永遠得皮幾野以下, 買摟係唔使淋, 資本主義社會, 係靠個人努力爭取, 而每個人使錢理財方法唔同, 要買樓就要犧牲其他.
買唔起米租樓住, 一樣生活好, 就唔好眼紅人做業主, 屋越搬越大.  

PS 我做左野廿年, 工作三年後同女朋友挾錢買左第一層樓 - 四百幾尺新界樓.

alexl

買樓其實係長線强迫儲錢方法.  有第一層樓, 換第二層樓時就多D選擇, 大D, 新D, 地點好D.   第一層樓就要港島市區靜中帶旺, 千呎新樓, 有海景....除非你含住金鎖匙出世

alexl

引用:

原帖由 亞延 於 28-3-2010 17:36 發表

講親樓,車中產既野我覺得引自身成就真無無用....
我係自僱八十後添,搵既錢足夠養活緊3個家庭,係呀,我份人工有餘可以買樓...
但係咪擔保黎緊廿三十年香港息口不變,你屋企唔會有頭暈身熱,唔會有飛來橫禍?
好坦白講 ...

有能力有首期應係市低時買.   租樓唔化算.  我提過買樓是長遠儲錢,  有需要時, 樓可以變錢.   以今天為例, 你租住市值二百萬樓, 租金約8-10萬一年.  會逐年增加, 如你買樓借140萬, 利息支出是一萬五千左右, 會逐年減少.  

樓市升升跌跌, 利息有高有低, 以上計算未必時常正確, 不過你返觀以前三、四十年, 長遠正確.  香港背靠中國, 起瑪有二十年旺. 睇位入樓