alexl

話說今日放工約埋老婆撘火車返屋企, 係紅磡站理工天橋, 前面同行有個幾索背影, 緊身白裇衫, 中短窄身裙, 黑絲襪, 高跟鞋....上到火車, 我同老婆坐二人前排座位, 她坐四人長邊位, 離我6米45度斜角, 看正面一般, 廿八、九歲, 不及後面索.  無再望...小睡一陣...發覺她側身眼定定睥過尼, 乜料?識得架? 唔識呀!!!!啊!佢望我上面架電視...我再合埋眼瞓陣, 開眼又見她眼定定睥過尼, 我今次左擰右擰回望佢幾眼, 佢係有眼神直望我對眼, 唔係上面電視, 我再想想, 識得架? 唔識呀!!!!  同老婆傾下計, 仲係望過尼, 就落車, 我定眼望返佢, 佢即刻笑笑口, 口形說"Hello"   我避開佢眼神再同老婆傾幾句, 再回望佢, 佢今次指住錶, 口形說 "趕時間呀" ...我唔敢再望遇去, 驚佢走埋尼.  到站, 即刻落車...
我想我老婆唔係身邊, 我會唔會過去搭訕, 又邊有咁著數, 有女人係火車主動撩你... 我都好懷疑佢目的, 好彩今日老婆係身邊, 唔會亂尼..