其實警察同普通市民一樣,有好又有壞
正所謂做邊行都是樹大有枯枝,
小第慶幸認識幾位差人都係好人一名.
想當年去桌球室打波,碰上查牌,當時押左條金鏈比朋友仔應急,
自己袋住條張當票,咁不辛比個差佬捉左出黎查證同搜身
搜到張當票問e問路,這點我是理解的,正常做法.
點知無啦啦比另一個死差骨係我身後面用佢個菠蘿蓋撞我隻左腳既菠蘿蓋
大家都知佢想點喇,好在當時我的重心係右腳,先無跌倒
然後串到爆問我住邊,又叫我小x心d,我心諗我衰乜先?簡直係不知所謂
目中無人,最後大大聲問條鏈借左比邊個,慶幸我的朋友仔在場
個死差骨叫左佢出黎,攞佢身分證睇時見到朋友仔的銀包有警察俱樂部的會員證,
態度即刻唔同晒,又問你屋企人做邊瓣,朋友仔說老豆做雜差,
跟住比返張身分證比我們,最後個死差骨佢送多我一句(遲d係土瓜灣搵我,小心d)
唉都唔點解佢咁要面,我由頭到尾都合作到爆,都唔知佢係咪飲左屎水把口咁鬼臭.
難怪有d人行得正企得正,但一見到警察腳都震啦.
