bravohk

六四誰是誰非我唔討論,當年小弟已經係中學生,每晚都有留意電視播最新情况~直到果晚上面熄燈清場,果D血淋淋影像,雜誌上面D要用鐵產產起既肉醬相片仍然記得,當年港人流過幾多眼淚,轉眼二十年今日睇新聞透視見到有香港大學生話呢件事係大話!呢件事係無流過一滴血!~個心有D痛....再過多二十年六四可能跟本無發生過...

[ 本帖最後由 bravohk 於 1-6-2009 00:36 編輯 ]

bravohk

引用:

原帖由 keane 於 1-6-2009 03:32 發表


發生呢D事既唯一證據, 就係當年當視人聲淚驅下的陳述, ( 唔知有冇加鹽加醋 )

同香港民運領袖, 聽番黎之後再主觀咁估估吓後   , 再加以宣傳並講俾下一代知.


我既觀點就係亂係上黎, 雙方都有 ...

大家其實知唔知當年有好多國家有派記者响天安門?有幾多新聞片同圖片俾全世界睇?大家係用眼睇架~呢件事好醜!我早幾年去旅行,有鬼佬知我地係中國人就問,點解你"國家"可以用坦克車輾學生?我唔識答~我就覺得好無面!發生咗咁多年都仲有人會問,你又有無睇過呢類圖片或新聞片呢?
而家情况係好似你同日本新一代講南京大屠殺一樣,佢地實笑你傻仔,因為佢國家跟本唔想佢地知,佢地想知途徑亦好少,除非佢行出個日本,你响外面知道真係有呢件事咪知邊個先係傻仔囉~