一個月連續兩單比人放飛機
由於太不齒呢D飛機友既行為....之前都遇過但係冇呢兩次咁過份....所以開POST比師兄們參考一下
飛機友事件1號:
上個月28,29號左右開POST放支槍之後有人PM話要,但係因為佢未出糧...所以想HOLD住先
一HOLD就要HOLD到今個月7號....咁我又唔急放咁就算啦HOLD俾佢...
之後到差唔多果日就直接打電話比佢想約交收時間.....點知打黎打去都冇人聽....咁就留左言同SEND SMS比佢叫佢覆
但係佢話好忙....所以有時間先再覆我....如是者一直去到9號佢話果個星期日佢先得閒....咁我都算啦,見HOLD左咁耐HOLD多幾日都冇所謂
到左14號果日下午見佢都冇打黎就打比佢......結果打左20個電話都冇聽....頭個幾次打係冇開機....之後晏少少打先通.....
就係咁就比佢玩左一獲
此人於U壇ID: louis@loklok (後來先發現原來係新ACCOUNT)
電話:6X9XXX58
飛機友事件2號:
呢次岩岩好就係發生係今日.....
早兩日開POST賣野....之後有人PM話要.....但係一開始都覺得奇怪....佢問我"$930 OK? call XXXXXXXX"
由於我開價都係$900....咁打左去之後就問佢 "我開$900咋....你做咩開多少少?"
之後佢就話睇錯....再問一問我有冇得便宜少少....咁傾好之後就傾交收地方
咁我POST講左一定係彩虹MTR交收.....但係佢話佢住得遠....問我可唔可以係太子地鐵站交收....
之後我答佢我之前比人放過飛機....所以想保障返自己要係近自己既地方交收...之後佢又話唔試槍都可以...話信得過我
但係我同佢講一定要試....因為係保障返雙方....費事之後有事又係度嘈.....咁最後就約左琴晚7:00交收
咁我琴日預早少少5:00左右打比佢.....佢就同我講佢有D事唔得閒想約今日.....咁我話OK就收左線
之後到今日我又係預早少少5:00左右打比佢Firm返交收D野....但係地點改左去槍街.....咁佢話OK之後就收左線
到左6:50左右我去到MK我又打比佢話我到左.....之後打比佢....佢話叫我等一陣就到
咁我就係煙廠街個公園坐左15分鐘.....到7:15見佢人都仲未到....咁又打比佢....呢次一打去就CUT左我線
之後我就收到以下既SMS(請見圖).....之後我再打多次冇人聽.....再如下既部份就係SMS入面既內容
睇完D SMS之後我就走左......哂我時間~
好彩今日同開FD出去MK食飯先抽D時間去做交收......如果唔係車錢都哂埋....又哂時間
此人於U壇ID:tys8989
電話:97XXX4X1
SMS如下:
佢:我目前無法接聽電話。
佢:sorry i work ot can i contact you later?
我:要等到你幾時?
佢:Tomor i go 彩虹
我:咁你頭先我到左果陣你唔同我講?
完
都唔知今個月係唔係真係咁黑仔喇....平時交收都冇事....但係一黎就黎兩單飛機友
以上除左比各位師兄參考外並無住何其他目的....若版主覺得個POST OVER左既請DELETE~
另外都提醒下各位師兄小心以上兩人~
謝謝收看~
[ 本帖最後由 michael713 於 26-8-2011 00:47 編輯 ]
