引用:
原帖由 kimkileo 於 13-5-2009 09:26 發表 
咁又真喎...佛教道教都要鈴鈴查查，燒一大堆野，回教我唔識...信主既其實算唔算洗得少的...
如果要信教, 真係要睇清楚, 了解清楚, 好多都係混水摸魚
本人有一經歷:
我同家人親朋到外地某佛寺遊覽,
當地導遊突然同我地講: "大家真係有運有緣, 佛寺剛剛黎左個唔知咩咩幾多世活佛係度修行,
大家一定要去祈福參拜, 聽道."
我地無咩所謂, 跟住排隊入到一間好暗既房間, 個活佛就分別同每個人細細聲講野,
同我講: "你要孝順父母, 注意身體健康, 行善積德 ... 等等"
(講D野係人都知, 係人都識講啦)
跟住叫我地出去買一D元寶臘燭香, 化寶祈福, 求安心.
唸住都無所謂, 點知一問, 燒果套野要8佰幾蚊.
我正在考慮/懷疑.....
另外一個和尚又同我講: " 其實仲有其他價錢可以選擇, 有D3,4佰, 有D佰幾蚊就得嘞 "
我即刻心唸: " 我妖, 拜神唔係講便心既咩, 仲要有幾個套餐比你局揀. "
心知不妙, 謀人寺也, 即刻鬆人
事後再同團友了解, 有幾個團友為求安心中招
唔知各位師兄有冇相似經歷?
