積夫

玩o左幾日，都幾好玩，不過真係要有o的耐性，有興趣的師兄不妨試試...

http://ikariam.hk/index.php

積夫

我玩o左三四日咋！

我在Enoitia小島(49:X)，城市名係地球聯邦的總部

既然大家係CGF同門，師兄可否幫幫忙送o的大理石過來呢？我尋日比人昆o左100水晶話同我換100大理石，但係送o左貨過去之後條友冇o左影....

積夫

icic...

我剛剛都睇過，96:9X同我那邊真係差十萬八千里....

師兄有冇貼士教路？我玩o左4日，現時配置如下：

Enoitia, 水晶島，皇宮(建築中), 市政府Lv5, 學院Lv6, 兵營Lv4, 城牆Lv2, 間諜屋Lv1, 船塢Lv3, 港口Lv3, 倉庫Lv2, 市場Lv2

暫時都冇得擴建了，因為我已經冇晒大理石，另外我手多多買多了運輸船，而家冇喇喇有成5隻運輸船o係度都唔知做乜好，有冇得賣返出去o架？

而家面對o既問題係：
1. 民意下滑：民意而家得返40幾了...因為未有酒館；
2. 唔夠錢：o的人擺晒去伐木、掘水晶同埋研究，但係三樣的進度都係好慢，兼且冇人生產錢；
3. 唔夠兵：我暫時只夠資源整5個投石兵、兩個劍士、兩個方陣兵，但係軍費已經叫我吃不消；
3. 冇外來資源：下下都要同附近的其他玩家「乞求」葡萄、大理石、同埋硫磺。

師兄教教路丫唔該

積夫

係，要在其他島上面建立殖民地的，不過你個島除了木之外，應該還有一種奢侈品：大理石、葡萄、水晶、硫磺。以上四項其中一種。

初時去不到其他島起殖民地的，比心機做好第一個城鎮先喇，我玩了5-6日，才有望在今晚可以建第一個殖民地。

積夫

市場我覺得唔起都得，因為要search有冇訂單先有用，新手初玩的話，謙卑o的向附近分數高的鄰居求教，佢地可能都願意在初期分o的資源比你（我正正係咁），同時你亦可以用外交send訊息同其他島同你同級的玩家互換資源，仲實際過起市場來做買賣，所以唔好浪費資源去升個市場喇（個人認為）

我做了一件非常死蠢的事：開新城的時候，去了一個冇人的島！結果係去做開荒牛，伐木廠呀、礦場呀...全部要自己捐獻來升級。結果我做了一個非常肉痛的決定：放款殖民地再起過！

仲有，提多你一樣，起殖民地時，唔好僅僅夠資源就即刻去起，要預多700木去「新地天」先好，因為一去到之後就會有「腐敗」，盡快起總督府先得，所以，可以o既話，除了預備起殖民地的基本資源之外，預多700木過去起總督府先就穩陣喇！

積夫

你在哪兒？多就冇，1-200的葡萄同水晶都仲幫到你...

石我都自身難保。

積夫

已經send了比你喇，詳情留意game入面的PM喇~~

積夫

o下？點解會註冊唔到o架？

ACYY兄...你家離我家太遠了....雖然有貨，但幫不到你

有沒有師兄做「中途站」？

我們要成立「CGF聯盟」嗎？

----------------------------------------------------------------------------

喂，ACYY兄，島嶼：Thikaios[24:38]冇人o架喎，你係咪打錯o左呀？

[ 本帖最後由 積夫 於 5-12-2008 12:41 編輯 ]

積夫

睇落又真係離好遠....

死喇...個個都咁散，好難互相幫助...

積夫

石頭....真係唔會嫌多o架....

你好快就知石頭真係多多都唔夠的了....

積夫

買賣o既野...我勸你都係算吧喇，直頭唔好浪費資源去起市場，簡直係浪費金錢浪費時間....

直接搵人交換好過。

積夫

隻game係auto save的，唔需要考慮save的問題，但亦都係因為咁，所以冇得用save load大法，各位做每一件事之前都要諗清楚呀

積夫

你是不是已經在硫磺島上面先？如果你第一個城就係硫磺島，就可以採，如果唔係，你要起第二、第三個城先採到。

我覺得奢侈品的重要性如下：

1. 石
2. 葡萄
3. 硫磺
4. 水晶

睇你o既傾向係咩喇....如果你係想強力發展軍事的，硫磺才重要

積夫

市場....真係放棄吧喇，完全冇用的....

積夫

哈哈哈....我真係帶起o左好多CGF的師兄入來玩喎