由於小弟要上高繩網及游繩下降教練班，故想添置一些十分近身的個人裝備，想聽聽大家的意見。
第一是手套，因為這實在是其中一項最貼身而且最不想與人共用的裝備，由於小弟的確是有點貪慕虛「型」，想要一對打GAME及Abseiling兩邊都用得的手套，感覺...都是想型o的囉...
第二是背囊式的水袋，因為我考完呢個試之後，都要做好耐實習，先可以正式領牌，而做實習的最常做事工，就係吊係15-18M高o既高繩網上面幫o的參加者，閒閒地隨時吊一個上晝。今早同教練商量過，佢覺得我都值得諗下o的背包式的水袋，因為我都真係一隻水怪來的，一個1L的水樽吊住上去我其實唔係好夠，用呢o的背包式水袋佢認為都唔影響安全亦方便我做野，所以都建議我用返打Wargame那些水袋。
我今晚係槍街係咁易行過一兩轉，見到得「機地」同埋「大卒」有，見到有Camel Bak但實在太貴、太大個了，想問下各位師兄仲有冇好介紹。
總括而言，我想要個Slim、薄身、肩帶揹得舒服、唔會太多野吊吊fing、唔會影響到著安全帶o既水袋，最好係woodland或者係黑色，同埋想要一對耐磨又可以打wargame的手套。
希望大家有好介紹的話，可以比圖片來睇睇，謝謝大家！
