積夫

元朗區青年節，小弟無喇喇接o左個波，呢個火炎射球真大鑊，要900個本身冇童軍底、未玩過營火會o既人體驗一次營火會，有冇兄弟可以幫到手？

我第一時間諗到幾樣野：

我點係1個月唔夠時間之內班到900件營火袍返來？唔洗好華麗，但都想佢地感受下呢樣野，有冇兄弟識製衣廠？

我唔想個營火會太重童軍口味，因為始終900個都唔係童軍人，所以營火只是一個「亮點」，點火o個下係帶起活動氣氛所在，大家有冇識得一o的玩火系魔術o既舞台表演者？或者有冇朋友識得搞o的特別o既點火裝置？

為了令大家投入唱歌，唔好太多重口味o既傳統歌喇，不如唱多o的時下年青人比較熟o的o既歌，大家有冇o的又勵志、又輕快o既歌建議？

希望各路隱世高人多多幫忙！

積夫

hwtang兄睇來係識火之人喎！希望師兄可以多多賜教！

師兄可唔可以比多兩個遙距點火的方法比我地？因為之前試過簡簡單單的點火，但發覺對住一班唔明白營火會文化的90後，佢地未必投入到。加o的舞台效果、魔術元素，可以更快點著佢地o既情緒，所以我地想試下朝呢個方向去做。

營火袍方面，冇得搞的了，Scout Shop冇咁多存貨，佢地的廠又做唔切，做得切的話budget都會太高，我諗緊可唔可以好似呢段片咁，比塊大大塊o既麻紗佢地搞下花樣....

積夫

我有少少諗法，大家比o的意見，我聽日sell比老闆：

由於參加者17:30會由接駁巴士送到場，即係話佢地到場時候尚早，無理由咁早開火，我打算咁：

17:30 - 19:00, 參加者以走base形式，在場所3個分站做唔同o既野，分站1 製作簡易營火袍, 分站2 backwoods cooking之燒雞 分站3 backwoods cooking之薯仔牛肉，以上3個分站，各有童軍弟兄駐守，指導參加者製作，兩個backwoods cooking分站，參加者做完食物的準備工作後，交食物比在場的scouter負責燒，scouter比個籌碼仔佢，到時返來拎返。

19:00 - 19:45 Dinner Time, 各參加者返分站拎返backwoods cooking的食物同埋pack-food, 同時玩下些集體遊戲，要互相認識下。期間，會場會播定一o的營火歌，比參加者打定底，大概知o的歌點唱。

19:45 - 20:00 營火會預備開始，參加者開始圍住柴堆

20:00 營火領袖進場，預備點火

20:05 - 21:15 Let's Rock!

21:15 - 21:30 encore時段或開始安排參加者分批散水

21:30  參加者散水

21:30 - 22:30 清場工作

22:30 Squard, Salute and DIS~MISS!!!!