關於隻game的軍事問題，小小心得同大家分享...
小弟玩到而家已經有三個島，水晶、石、葡萄都已經可以靠自己了，主城的Level有10, 其餘一個7、一個5, 但係我依然唔會好主力發展軍事，唔好話「進攻」型的軍事，就連防守型的都不算，為什麼呢？
因為人地派兵來打你，主要都係搶你資源，如果各位還是在開盤初期，城鎮等級不高，老手一看就已經知你本身也沒什麼資源，不會派大部隊來打你，至於那些pat pat痕撩交打的人，能力也相當有限，就算打輸比佢，你都冇幾多野比佢搶，所以我連生產士兵都懶，集中資源火速發展自己的城鎮規模、加速研究好過。
另外如果著重防守的話，有兩點小貼士可以教教大家：第一就是碼頭不要升高過Level 3, 因為人地打贏o左你，要搶你o的資源，都要靠你個碼頭來運走你o的資源，所以當你一發現有人攻你，而你自覺應該冇得打的話，千萬不要花錢生產士兵，一來很大機會趕不及生產，二來死了士兵的話資源就白花了。我的做法是：拆碼頭！明知佢係來搶野，冇理由留返個碼頭比你抄自己家咁笨，拿拿聲拆碼頭，就算打輸比你，你都運唔到野走，吹咩！
第二個貼士，我覺得就是預期生產咁多士兵出來耗用軍費，倒不如提升間諜小屋，察覺敵人有冇派間諜入你個城。正如剛才所講，高手如果要派兵打你時，多數會考慮你是否值得打，所以他們往往會先派間諜入你個城。你個城間諜Level高的話，就容易捉到人地o既間諜，所以可以預知人地係咪想攻你。
總括而言，遊戲初盤大家資源不多，不建議主力發展軍事，因為你連城市人口都未穩定，何來咁多收入養軍？軍費很貴的呀！
至於另一種情況引致你被人攻打的，就是你做錯事被人派軍「教訓」你，這時高手老手新手都打你，咁就冇得好講喇。做錯咩事會比人咁打法呢？咪就係你唔捐木囉！300都好，記得自動自覺捐木喇！唔係o的老手就會「出手」提醒你o架喇！
廣 邑 千 家 群 所 羨
萬 鐘 於 我 何 加 焉
志 分 涇 渭 昭 真 偽
立 德 樹 人 續 孔 篇
