積夫

問題係P屎屎W最鐘意搵o的收數公司同佢收，佢唔會真係出律師信追你的，一味搵收數公司煩到你交錢為止。衰就衰在聯絡地址係師兄你那邊，真係有排煩的。

我之前手機夠約滿又係，佢無喇喇整封信過來話同我自動續約，我拿拿聲打上去CS同佢講我唔要自動續約，我聽完佢個什麼「以下對話可能會被錄音...」之後，佢一有人聽，我都即刻同佢講：「你好，我姓X, 係你地o既現有客戶，有o的合約問題要同你地傾，為o左方便大家以後跟進，我呢邊都錄緊音，請問你o既職員編號係幾多.....」個staff即刻好有禮貌兼且樣樣都同我跟到足。

當然，說話雖然玩到咁盡，但我對個staff的語氣其實都好客氣的，佢都只係打份工，o的不合理o既野只係佢公司定出來，唔關佢事，佢幫我跟完晒o的野之後，我轉手就send封email去CS那邊嘉許那個職員喇。