積夫

不經不覺，入行10年，剛巧聽到這段改歌，竟然真的聽出眼淚...

唉，我仲可以做到幾多歲？

真的像杯開封已久的汽水？

http://www.youtube.com/watch?v=PeCe4NKafjM

積夫

蠔屎兄，時移世易喇，2000年之後先讀社工o既新一輩社工真係好慘，人工比人CUT左一大截，有o的無良機構又左度右度諗縮數，約個薪級表左改右改，好多新制社工，做一世都去唔到以前的Mid-Point人工o架...

積夫

無咩冒唔冒犯o既感覺喎蠔爺，不過難買樓的確係事實....

以小弟為例，今年人工剛剛到2萬...太太人工萬5 加埋有3萬5，好似好好洗....

但係呢個數，首先居屋唔洗諗，白表都冇行....只有私樓一途；

而家o的私樓.....閒閒地都5-6千蚊尺.....

要供，唔係供唔起，不過新婚頭一兩年，o的錢去o左都未回到氣，於是乎，最大o既難關就係首期個問題。

聽落「月入3萬5」好似好正...但係，比返兩邊家用、供下保險、比o的奉獻....實際每個月可以用o既錢，又的確唔多...

講真的，開呢個post的時候的確很頹，種種原因喇，o個時正因為租約期滿業主要加租，同老婆嘈緊想我買樓，但係又怨我儲唔到錢...

不過世事就係咁玄，煩o左一輪，唔開心o左一輪，老婆大人終於諗開了，結果？咪又係同大部份廿零三十歲o既後生仔女一樣，問屋企人借首期囉....

剛剛買了樓......

不過都係好o個句，蠔爺，社工唔係你感覺中咁好搵...我舊制儲唔到錢，都真係可以講句我抵死，因為同老婆結婚呢兩年都的確冇乜點儲錢，大家都想過兩三年開心o既二人世界，但係班初出茅廬o既新制社工呢？唉....近呢5年我都已經成日同班後生講，諗清諗楚先好入行呀....

[ 本帖最後由 積夫 於 18-4-2010 15:56 編輯 ]

積夫

RX79(G)要打到0093, 都要開發、改裝至得o架，你睇下架Ez-8都捱唔到0080就知喇。

但係開發、改裝係要好多錢o架！仲要考慮埋「戰略需要」呢？如果唔係，架NT-1就唔會只係冇o左個頭都唔繼續修復返佢來用喇....


火，依然有o架，不過有時唔係好夠氣o者~~~~~

呢個星期好返o的，剛上完個木高，遇到咁多同志，因為「共鳴效應」，士氣 + 10

積夫

我剛剛買o個度都係唔洗2300蚊/尺~

危，都冇計啦，約滿要走人，唔想再成日睇業主面色，三日唔埋兩日就同我講佢層樓升到百九幾萬，咩超低市值租比我...

租的話，連一o的冇電梯30幾年樓齡的唐樓都叫價5000幾....

反正諗住買樓2年後生BB

反正生BB之後要外母幫手湊（睇住個工人湊仔o個隻湊）

反正過多5-6年後外母都70幾歲，開始要照顧返佢

咁o岩外母個屋苑(房協居屋)終於可以二手市場開售

咁o岩佢隔離座有個單位睇中o左...

種種原因之下，買了....

就係咁囉....