積夫

本來諗住17號飛去布吉渡蜜月，跟住20號轉落曼谷SHOPPING買野，點知而家泰國搞成咁，你地話仲去唔去好...？

身邊的意見分兩派，好多人都話安全至上，去第二度喇，但係熟識泰國的人就同我講：車，泰國年年都政變的喇，你唔去總理府附近冇事o架。

5/9就要比錢confirm要唔要機票、酒店的了，仲有兩日時間我考慮....

反對派剛剛提出了談判條件，唔知沙瑪接唔接受....

積夫

其實唔係錢o既問題，因為都未入錢比旅遊公司，只係泰國的行程已經plan好晒，擔心臨時改行程的話，又要重新搞過好多野....

唉，好煩呀，剛剛完了暑假，大家就玩得開心，難為我地做Youth的社工而家忙埋數、寫Report忙到九彩，跟住又要同兩間負責的學校夾好呢個學年的野（暑假老師放假，我想同佢地傾都冇得傾）。搬屋、結婚的事，又殺到埋身....我真係就來頂唔順的了...

所以都係早o的同居好！唔好同結婚迫埋一齊做！好辛苦呀！

積夫

um....如果有3萬蚊Budget, 大家有咩野好介紹？

積夫

我提議不如上北京，佢已經話一定要離開中國先算渡蜜月了

未來老婆的提議如下：
沙巴、馬爾代夫、沖繩、大阪

同事的意見如下：
峇里、宿霧

已經被未來老婆否決的：
東京（你淨係想去高達館o者！）、北京（下次先去做好漢喇！）、倫敦（去o黎做乜？）

積夫

唉，就係冇時間去搞渡蜜月的事，所以才煩呢...

今個星期五收樓，星期六安床，星期日搬屋，但係仲有好多帖未派、未搞掂rundown、未諗掂婚宴玩唔玩遊戲、未做好工作的交待工作....

好唔開心呀！我有婚前恐懼呀！

積夫

搞Rundown, 搞Prog plan, 本身就是我的強項，我自己都幫fd搞過幾次wedding plan, 仲講笑話唔做社工可以轉行做wedding planner自己搞生意，但係幫人搞結婚同自己搞結婚好唔同，幫人搞，冇一個「幕後監制」o係度指指點點，係度「扭屎忽」！

我真係超慶！晨早同佢講好用邊首歌做進場，而家距離結婚最後10日，佢先話「仲未有片頭睇o既？唔o岩心水我要佢整過o架！片頭用呢隻歌都係唔好，我想轉過呀！」

我Ｘ！妳可唔可以唔好再煩o的呀！可唔可以唔好比一句「一世人一次」o既魔咒搞到咁煩呀！結婚相簿又係咁，為o左一個3MM的Margin位，同攝影公司來來回回了4、5稿！

Ｘ！其實結婚真係可以唔止一世人一次o架！妳係咪想感受下丫？

積夫

引用:

到honeymoon時狠狠地教訓返佢囉

帶太多Condom出境會唔會比人話我走私o架？

積夫

我唔係好想要BB...但係老婆想....

我要小心保管我的DOM DOM, 免得被佢偷偷地用針"吉"穿晒....

那天行IKEA, 見到有隻Locker型的儲物櫃，幾好...

點知未來老婆用把懶係o爹o既聲同我講：我想你唔用，你估你忍得到咩...？

講返HONEYMOON....似乎兩口子的心態都是想搏一搏呢，因為未來老婆都講緊，佢都好想去泰國....

聽日下午三時要決定的了，一路睇實胡慧沖的直擊報導，旅遊區好似真係冇乜野，我又唔諗住去總理府找屎....

倒數10日。中秋佳節夜，人月兩圓慶新婚

積夫

已經洗o左好多喇！望下個銀行戶口，唔怪得知人地話結婚就要過「新生活」喇，望住我個戶口的錢，有如滾滾長江東逝水，奔流到海不復回！

結婚 = 倒身家！係傾倒個倒！

積夫

唔一定係穿o既，有可能係移位、脫落，總之就會大大降低避孕效果喇，我地做sex edu成日都教o的仔唔好咁做！