睇o左，的確冇上集咁正，不過都值得入場睇o既（反正戲院o係我屋企樓下，買飛又有八折，冇所謂喇....）
講返套戲，都認同師兄講法，枝節位太多，同埋我都想知現實中會唔會真係有人好似狗Roy咁串，剛剛check完ID仲要即刻再check, 仲要比說話call台聽，真係當上面o的人死o架？
爭功拉人o個幕，似乎都只係想突顯奇Roy有幾狗，有點兒搵戲來做....
當然有不少犯駁位，也有很多不合情理的位置，例如子彈的數目，之前報紙訪問時個導演定還是編劇話....搵真警察教路、子彈數是符合現實的，但係淨係教堂駁火o個一輪，2枝AR15 + 1枝散彈(sorry小弟唔識分Model） + 7枝M10, 係咪真係夠子彈打咁耐？我冇癲到數子彈，亦真係感受到佢地已經有限制火力咁去拍，不過我相信應該都係超出實際彈藥數量。
總結一句，不要抱太大期望、不要考究有幾真實，咁樣入去睇會開心o的
廣 邑 千 家 群 所 羨
萬 鐘 於 我 何 加 焉
志 分 涇 渭 昭 真 偽
立 德 樹 人 續 孔 篇
