積夫

成個老襯，從此被困...

養貓，原來要先整個籠困住自己，而且仲搞到成屋都係格網，真係要嘗試下鐵窗生涯...

每日放工返屋企第一件事就係"匹"屎、換水、餵貓，之後吸塵、抹地，之後先敢放貓貓出來玩（因為佢地仲細，未打齊針，地下有塵、唔乾淨的話，怕佢地有事...）

尋晚衰友打電話來：我地上去DUP骨呀...過夜呀...不過唔洗預你地兩公婆喇，你地兩個走晒，邊個睇貓呀？衰人！真不該！打電話來又唔係叫我地去....

不過每晚抱住貓貓玩，都真係好開心~

積夫

改o左喇！淺色o的o個隻叫「鄺大」，因為佢係家姐姐

深色o的o個隻叫「鄺衝」，因為佢癲o架！乜都唔理就一味衝衝衝.....完全係有過度活躍症！

積夫

ha! 師兄你起我底！

積夫

呢個....其實真係要睇下你隻貓幾大，我剛剛整好那天，佢搵到一條兩寸寬o既空隙，都已經捐到入去，所以要真係好小心好小心，封晒任何空隙，就算你認為冇可能入到，佢地都會將不可能變為可能的....

積夫

唔介意，我深有同感....所以我一開始都話o左係鐵窗生涯

但係為o左唔想佢地飛落街，都冇辦法喇！

頭先送外賣，我只係稍為開少少度鐵閘，都已經即刻想衝出街了！

佢地對任何野都好有興趣，每一間房都想入去睇，真係要同佢地鬥快反應先得！

積夫

係呀，所以我特登買個玻璃櫃返來放起晒我o的高達囉！

積夫

MS你移民前買都要3千幾？10幾年前的3千幾好金喎！

而家隻貓隨你到英國長住？

sunny2014兄，多得IKEA有「上牆」服務，個玻璃櫃固定了在牆上面，應該就唔會成個訓落o黎，我反而比較擔心兩隻傻貓興奮過度，橫衝直撞時撞爆玻璃！佢地已經試過幾次兜頭兜腦拄埋去的了！

積夫

買錯牆？

師兄我唔明喎....請指教......