積夫

係囉，我覺得行行都有好人亦有壞人，我做外展咁耐，真係見過唔少PK差人的，那些真係好鬼乞人憎。

但係我亦見過唔少好好、好有禮貌、好有心o既差人。

希望大家在討論關於警察的新聞時，可以以事論事，一個人PK就鬧爆那位PK囉...唔應該一竹竿打一船人。

積夫

你話我天真都好喇...

我覺得呢o的真係只能叫「個別事件」囉，喂，大佬呀，老師又帶小學生去開房、睇醫生一樣比醫生插下體，咁唔通又唔返學、唔去睇醫生咩....

我覺得那個粉人係衰格，係好有問題，不過我都係想講一句，不可以一竹竿打一船人囉

積夫

引用:

原帖由 b.jam 於 3-12-2008 01:35 發表



咁呢次呢個直頭係人間敗類啦。佢唔應該做差人，更唔應該做人，應該做狗。

我上次去差館報案，入到去個差人一路幫我地落案，一路打電話落order叫宵夜。。個刻我都好無奈。
但好多好既差人既。一部分係蟲，大 ...

師兄，佢肯幫你一路落案一路落Order叫宵夜咪算好喇

我好多時陪仔上差館，佢安置我地埋一二邊，之後自己係度傾一大輪閒計、搞一大輪自己o野....之後問返你：你地o黎做乜野？

你話係咪仲吹脤！

不過講一樣衰野就講返一樣好野！

試過有一次渣車在公路爆o太，咁o岩我架車冇士啤o太要call拖車，於是就停埋一邊等。無幾耐就有警車埋o黎，警員好有禮貌咁落車問我：先生你有冇事？有咩野可以幫到你？我話佢知等緊拖車時，佢地仲好好人咁話：呢個位等可能有o的危險，我地係後面幫你hold住條線，你慢慢溜o架車去前面影線區等會安全o的。

抵讚！