前兩日打去"現在台"cut 鬼左個體育頻道, 點知個小姐話...."先生, 唔好意思, 睇返你個合約應該係去到 2010 年既11月 wor, 而家 cut 要交成三千幾蚊罰款架...."
我即刻扯火"唔係呀嘛!!! 你 d 同事成個月前先打過黎, 問我會唔會續約, 我話左唔續, 因為打算 cut 左唔用, 你 d 同事仲隔兩三日就打一次黎, 已經俾我鬧左幾次. 你而家話我知同我續左約!?"
個小姐話"係呀, 因為見先生你咁耐無續約, 咪自動同你續約豁免返幾個月月費俾返個優惠你囉"
"即刻同我CUT左佢, 如果你話我有約係身, 我要求囉返咁多次打俾我既電話錄音, 我每一次都清楚講明唔會再續約, 到時消委會同法庭見"
之後佢即刻笠水, 請示上司15秒後話我個合約可以取消, 服務亦會係即日終止.
電訊公司同收費電視, 營銷手法的確好有問題, 鑊鑊都要搞到扯晒火先 cut 得到.
