公僕們, 你地可以在這地方吐不快, 點解小市民唔可以呢? 小市民槍頭對住既係政策同部份個別的不近人情既執法者而唔係大部份執法者. 感覺上呢度有 d 公僕太過盡責連呢 d 死貓都攬埋上身嗟.
法律係死既, 人係生既, 人同畜牲最大既分別就係識得思考判斷是非黑白, 而呢個判斷係來自人既思考, 必要有人情因素. 如果每次都硬性跟足所有程序, 指引去做, 唔駛法庭同判官啦? 執法者根據條文而執法一定唔會有錯. 幾年前史太龍有套叫特警判官, 記得個故事背景嘛?
你地 d 阿哥梗係話如果我地 d 小市民覺得有咩問題咪提出証據去有關渠道投訴囉! 係wor! 我地有邊個唔Q知可以投訴或者循法律程序去解決. 但就係你地呢種態度, 令小市民更加痛恨公務員, 令佢地覺得官字兩個口. 我地好多小市民唔同你地 d 阿哥個個月糧期咁準, 你地有無諗過我地 d 小市民每一日都充滿住競爭, 而大部份投訴渠道五天工作朝九晚六, 為左開少一日工去搞你張告票 d 野已經要出少一日糧甚至無Q左份工, 再講, 每次到政府部門辦一個簡單既手續排隊要排幾耐? 大家心知肚明.
咁最後小市民可以點呀? 為左補住個飯碗咪硬食囉! 就係因為有 d 執法人員認為要跟足晒所有程序去做嘛,
今次見到呢個 Post, 幾位公僕全力為佢地班同事所作所為辯護, 甚至覺得市民同佢地對立, 但似乎要主動對立既係你地呢類型公僕, 就係市民反映公營機構做事千偏一律毫無彈性, 偏偏就係你地走出來說一句
"我地做野跟足法律有咩問題, 你地 d 草民咎由自取, 無人叫你做無牌小販架, 無人叫你亂咁泊車架, 唔服氣既咪投訴我或者打官私囉!"
而我地 d 小市民硬食左張告票, 咪只可以上網同人吹水果陣講句:
"你估我唔Q想返寫字樓工? 我岩岩俾人炒左, 年尾流流等錢駛仲要俾錢屋企 d 老人家過年, 返到既話我唔Q駛係度賣蕃薯啦!"
"果日我喳喳下車肚痛, 點知四圍 d 錶位俾d 等人既車霸晒, 停車場又老遠, 叫果度無黃線四圍又無咩車, 又無話唔停得車咪泊住係果度去廁所先囉, 點知出黎就俾人抄左, 捉賊又唔見咁快!"
你地跟程序無錯, 因為你地唔需要理我地背後既故事, 我地個故事係可以向法官提出等佢同情我地, 但可憐既係我地無呢個條件, 唯有硬食左就算. 你地唔係連呢個自由都唔俾我地 d CGF 會員嘛? 官威唔駛擺到上黎嘛?
