「我認為警隊唔一定係正義之師，市民唔一定係烏合之眾」
呢句說話我同意到十足！
警察從來唔係甚麼「正義既朋友」，咸蛋超人先係。
係現代文明社會，
警察係一份「工作」(Job)，比較有使命感既可以稱為「職業」(Career)，投入D既甚至可以話係「人生」(Life)。
原則上，只要係工作時間內做好份內事既，果位就可以稱之為「稱職既警察」。
但同「法律不是正義與公平」一樣，警察亦從來唔代表咩「正義」。
警務人員係執法人員(Law Enforcer)，
佢地工作就係按照法律賦予既權力去執行職務，在法律賦權下「儆惡」，但不「懲奸」。
因為「懲奸」原則上係司法系統既工作。
但好可惜，自古以來，坊間就一直對警察抱有不切實際既期望，以及對警察權限既誤解，
希望警察能夠隨時隨地、呼之即來咁幫佢地排難解困，即使果D問題並非警察既權限之內。
當然，向好看，可以認為係市民對警察既信任同依賴；
但向壞方面睇，呢D不切實際既期望，就往往會埋下警民衝突既伏線。
x x x
至於交通警係咪一定同一般駕駛者對立？
以個人經驗黎睇，我不能同意你呢個說法。
同交通警對立既，我夠膽講，都係一D對交通法例有所不滿，或曾經干犯交通罪行既駕駛者。
例如係50公里路段，堅持因為自己手車好掂，架車好勁，認為行90公里車速安全；
或者係連續雙白線內塞緊車，而旁邊線暢通之下，認為係該處越過連續雙白線係合理同安全既駕駛人。
我自己都有開過快車，亦都有因為交通違例而收過告票，現時我都仲有幾分等緊返黎。
但，撇除左自身經驗同身份，點解我唔會因為收票而遷怒於交通警？
因為我深信：「要搏，就有嬴有輸。」
嬴左你唔會多謝警察，咁點解搏輸就要發警察脾氣？ 咁講唔通喎...
睇唔順眼就小到撻皮？
會唔會有人咁得閒又咁大膽，單單因為「睇你唔順眼」就專登截停人地架車黎小？ I doubt.
講真，交通警走去截停架車，基本上係有打算進行檢控先會走出黎 / 追上黎截停。
唔知有無人聽過「小左唔告，告左唔小」呢樣野，
據我所知，呢樣野到今時今日都仍然行之有效既。
又要犯法，又要唔好告，仲要唔可以比警告？
有咁既想法既駕駛者，會唔會真係惡左D？
x x x
當然，講到尾，我都認為同市民接觸果陣，語氣同態度係應該互動同「遞升」既...
一開波就黎硬淨果套，其實都係引來不必要投訴既原因之一。
引用:
原帖由 Hkpolice-Psu 於 30-3-2010 13:08 發表 
我認為警隊唔一定係正義之師，市民唔一定係烏合之眾
但係只講渣車，點解交通警同一般駕駛人士係對立？點解一唔順眼就小到人撻皮？執法者定係執濟者？真係有牌爛仔？我由細到大唔信呢個係事實，但係我依家信到十足
