根據南華早報(即係最先報導呢單新聞既傳媒)既資料，
呢達地，係魯連城(個基金)同西灣村既原居民買既， 呢班原居民係70年代大部份已經移居英國喇。
呢個千六萬既交易，好明顯就係私人同私人間既交易，
咁都要入政府數，會唔會過左小小？
引用:
原帖由 sckira 於 19-7-2010 13:18 發表 
曾蔭權係辦公室
囉~
至於私人土地既問題，老實講，如果係市區地可能好D，
但呢到係原居民地呢... 用特權的話...well
引用:
原帖由 Boniface 於 19-7-2010 15:30 發表
私人土地其實咪又係政府既，發展商只係買左佢既使用權
其實政府要使用特權唔係唔得架，只係佢會唔會做咁解
不過問心，既然人地係真金白銀咁買地返黎，
又合法咁係私人土地入面起自己間屋，
唔係起咩屋苑呀，大規模發展咁，無違反法例丫。
當然，我明白大家都唔鍾意呢件事既發生 (我都係啦)
但我就唔明，其實抗議既人係憑D咩去要地主聽佢地講？
係要「傾」，都應該理性地去說服個地主丫。
依家呢位魯連城先生就好似代表晒香港所有有錢人咁，受到千夫所指
at least比我既感覺就係，大家係為左所有相信來自有錢人既不快，都發洩左係佢身上咁。
比著大家係佢，
日日打開電腦都有人為自己無錯(起碼係法律上)既事而係網上討伐自己，
又整班人去自己新屋地盤示威抗議...
你仲會唔會同呢班人傾丫?
x x x
我硬係覺得，依家D人好似忘記左咩叫「談判」，咩叫「協商」，
野野都以為聲大就代表正確代表正義。
