香港真係越來越唔係人住既地方...
話說在下係一個「香口膠癮」幾大既人黎既，
每次買「Air-XXXX」、「ExXXX」都係打孖上，平均一星期要買四包左右，
不論開工、開車、返學、定行街、睇戲、打game都會咬住粒，
做文件工作同埋以前要睇file果陣就食得更癲...
高峰期一日要買兩包都試過，
係調查隊年代，頂頭老細問過我「以前係咪食煙既?」
因為佢話見我食香口膠食到好似佢食煙咁，
總之就絕對係不良示範啦。
沉日放假，出街期間發現身上得返四粒香口膠，於是就去「七仔」買啦，
入到去一望，
哇頂，乜「兩包特價」要賣十七個幾? 望真D，單包賣到十蚊? 傻左??
果刻以為係對面海租貴所以賣得貴D，於是無買。
跟住過返海，路經唔同地區既「屙茄」同「七仔」，
入去望，又係同樣價錢，又無買。
如是者夜晚返到屋企附近，
去「胃腔」睇，諗住平d啦，係平些少既，不過都加晒價...
都局住買返兩包。
當香口膠都買到十蚊包果陣，我諗都係時候要戒架喇... 咁以後咬咩好?
