雖然我睇唔到D相 (因為樓主收晒),
但我諗,呢到某D網友以及總版主可能都知在下既身份,
咁我又不妨就我爬完文所見,再加上在下所知既"事實"黎吹一吹啦...
(1) 警方係經常有係公眾可見及可到之處進行演習既, 而演習時都會係場地四週放置告示提醒市民.
(2) 演習期間會用到真槍, 但並無實彈, 亦都唔會放實彈係參與人員身上.
用到既只會係dummy彈.
(當然, 為保安理由, 唔係全隊人都無實彈, 但有實彈果D唔會參與演習, 明無?)
(3) 係訓練同演習前, 中, 後, 所有槍械都會由警佐級 / 槍械教官人員進行檢查, 確保無入彈 / 無入實彈.
(4) 訓練 / 演習時, 係一定會遇到用真槍指向真人甚至向真人開槍既環節(記得早兩日既警訊嘛?), 但事前一定會對照第(3)項.
(5) 警方取槍及取彈程序嚴格, 訓練 / 演習用既dummy彈係唔會同實彈放處係同一地方.
(6) 同上, 當值人員唔會取得dummy彈, 而參與演習人員亦唔會取得實彈.
(7) 訓練 / 演習期間, 係可以影相 / 拍片既.
當然, 娛樂 / 紀念用既照片就一定係休息時影;
而訓練時既照片就通常係由上級指派人員拍攝, 用於教學 / 紀錄 / 甚至passing out時用於紀念 / 慶祝活動.
(8) 警察用槍, 雖然理論上都係根據"安全防禦法" (NSP),
但係特定情況之下, 例如進行戰術訓練等, 就唔一定照足NSP黎做.
換而言之, 持有槍牌既你, 拎住支槍可以做既事, 同警察可以做既事, 一定係唔同.
法例對於持有槍牌既市民既管制, 又一定比合法用槍既執法人員為嚴格.
老實講, 你除左上個槍牌課程外 (我當你自己跌錢去S&W, H&K, Blackwater....etc 學多幾多個牌都好),
老哥你又有咩資格同執法人員相比?
請記住, 老哥你係市民, 而佢地係受過訓練既執法人員, 本質上經已不同.
你拎支真槍係運動, 執法人員拎支槍, 講得衰D係為左殺人. (我唔咬文嚼字喇...成年人, common sense 好唔好?)
你要係靶場拎住支load左既槍指住其他人的話, 我擔保你個槍牌好快會離開你.
當然, 警察都有要守既規則, 但同你既遊戲規則係唔同既,
唔該, 係批評人之前搞清楚呢點先.
(9) 一個題目就引到好多"專家"出黎指手劃腳.
老實講, 我真係好想問問: "你老哥邊位呀?"
就算如CGF某幾位"德高望重"既網友都好, 資料同知識都會有追唔上時代既情況出現,
更惶論某D
刨左好多好多本軍事書, 睇過好多好多軍事網站,
打過好多好多年wargame, 儲左好多好多年軍品,
又聽過好多好多軍警講話吹水, 兼且自行練就一身好武功既"專家達人"?
在下想好直接咁講: "你真係知? 你老哥捱過果九 / 六 個月先好出黎指手劃腳啦...唔該!"
(10) 係未獲照片擁有人同意之前, 就自行發布...
well,我記得係陳冠希事件入面, 佢既代表律師提過, 咁樣好似係侵權行為,
發佈者:
(i)可能觸犯侵犯版權法例而遭刑事檢控;
(ii)可遭物主民事索償.
(11) 偷相, 仲要唔遮面, 兼且四圍發佈, 大家唔覺得咁做好無道德, 好老[_]土既咩?
己所不欲, 勿施於人.
大家都可能有寫下網誌, 玩下facebook咁,
都會upload自己生活同工作既照片上去,
莫非身為公職人員, 呢個權利就自動被剝奪?
或者, 就等於可以被呢D網絡小偷將相偷走, 仲四處發佈?
偷相 / 發佈既人, 會唔會不知廉恥左D?
歡迎指教.
