新科技真係需要多D時間同實驗去證明佢係work既。
我期待D科學家既努力會快D有成果。
講返轉頭，有關停車熄匙立法既問題，
有時我會諗，就算唔引進 / 引進唔到 實用而又可行既環保能源車輛，
其實每人行多步，都已經緩減到路邊空氣污染既情況。
有人提出，話強制的士停車候客時熄匙，會因為車廂酷熱而「趕客」，
我會諗，咁當全街公共服務車輛都要停車熄匙果陣，
你嫌呢架的士熱，其實另外一架的士都熱架啦，小巴同埋停左係總站既巴士都熱咋喎...
當大家架車都差唔多熱，而我又需要搭車，兼且附近又無地鐵的話，
我睇唔到「趕客」個元素有幾高囉。
再者，依家馬路邊既熱同污染，好大程度都係來自汽車引擎運轉而成，
咁當大家都停車熄匙果陣，呢個問題會唔會又緩減左，
進而令到守法熄匙候客既的士小巴，車內溫度比現時為低呢?
係，我同意好似彌敦道兩旁D樓，同埋已經既屏風樓當然係另一問題所在，
但無可能一時間就話拆晒佢架嘛，rite?
至於巴士，以個人經驗而言，其實巴士引擎都係另一重要成因，
所以巴士路線重組都好緊要，當然，市民都要接受到要行遠幾步上車同埋會無咁密車啦...
都係果句，要大家行多步先解決到個問題既。
最後，講返果3分鐘寬限，
問心，呢下真係有D多餘，要比寬限就不如繼續用「酌情權」呢樣野算，
總之停車唔熄匙就犯法，票控與否就由執法人員依現場情況決定，
好似依家既違例停泊咁做。
強制話要計3分鐘，盞增加執法人員同市民之間既不必要衝突遮。
學某D論點話齋，呢3分鐘係陷執法人員於不義。
引用:
原帖由 odaan 於 17-4-2010 11:51 發表 
好似係 氫能 , 但要從水中電解氫氧 , 又係唔掂
