突然諗起，之前同D工友吹水傾開，依家咁Q多POE，
而D小朋友往往又「不能自控」咁玩到咁大，
上面係咪要買D新裝備返黎方便做野呢？
吹下吹下，諗到三樣「新一代防暴隊」值得入手既裝備，
價錢平，效用大，兼不傷人畜。
有高層見到不妨諗諗。
1. 大鼓 - 「一鼓作氣」，暴徒有暴徒「吹BB」，咁防暴隊就出大鼓，
聽鼓聲做動作，又齊又有氣勢，仲可以用鼓聲蓋過暴徒既指揮聲音添！
x x x
2. 校園防衛鋼叉 - 大家眼見國內工友新引進既呢種「防衛性武器」啦，
只要係暴徒衝擊鐵馬陣 / 防暴隊果陣派出一排鋼叉黎應對，
即係變成：
暴徒「叉輪廚」(challenge)警方果陣，
警方就「叉住」班暴徒！ (唔好意思，我食左個粗口字既諧音黎做爛gag)
咁就可以保持安全距離，兼且有效控制情緒激動既示威者啦。
最重要既係：雙方既受傷機會都會大幅降低喇；
x x x
最後一樣，都係最正既一樣，就係...
3. 長籐條 - 「既然你爸爸媽媽老師唔教仔，咁就由警察代勞啦~! 」
有睇過《葉問》第一集既朋友，
就自然知到籐條配合適當操作方法，佢既威力會變得幾大啦？
再加上呢樣武器，面世咁多百年黎，從來都無打死過人，
保證不傷人畜，兼且出招快狠準，
中招者會感受到劇痛、
繼而即時停止違法行為、
再加上光天化日之下被別人用「籐條炆豬肉」既震憾，
真正提供到防治青少年違紀行為入面，最重要既「Short, Sharp & Shock」三樣有效成份。
與此同時，印度，同以前既新加坡警察，
都曾經用過類似既裝備去處理民眾失序行為，
有實戰證明效用。
再加上價錢平，重量輕，易學易上手(當然，要打到葉問咁都係要時間練既...)唔會加重前線人員既負擔，
簡直就係現代警察，係POE或者處理民眾失序行為時，不可或缺既好拍檔。
edited by gtoray
