well,我一開始咪講左，對社民連既其他所謂「政績」我無研究，亦無意見囉。
之但係，既然你要抽警察水既，我就係睇唔過眼，所以我出聲，就係咁簡單。
回應如下：
1. 就算 有投訴人、表面證據成立、足夠成案調查喇，經法庭判決前，都唔代表指控屬實。
2. 香港係法治之區，法庭並無定罪既情況下，你又憑咩去話果個人犯法？ 你話係就係？ "I am the law" ??
3. 我都曾經同「紫藤」、「青鳥」、「午夜藍」等機構交過手，
而我亦都親身質疑過佢地，既然佢地搵到D所謂「受害人」出黎，
如何如何聲淚俱下，如何如何詳細地，控訴被警方濫用職權對待，咁點解唔企出黎立案舉報？
佢地既答案大家都估到，不外乎：(a) 唔想比屋企人知、(b)怕被報復、(c)與其投訴，不如做多幾單生意...
老實講，「受害人」們講就講到似層層，叫佢企出黎指證就搵一萬個理由黎推，
跟手就開記招點樣聲淚俱下咁控訴警察「逼害」佢地「弱勢社群」。
然後就再加埋D好似阿搖光兄你呢類熱血青年，「
親耳聽聞」後就周圍去同人講「
我已經可以證明果5%係真有其事」。
我真係想問問你，你識唔識法律架？
聞說證供 (Hear-say)係呢個情況下用得咩？
無真憑實據支持下既指控，係唔係你地所講既「
砌生豬肉」呀？
咁對被指控既警察公平咩？ 咁對成個警察部公平咩？
我相信
任何一個警察都希望「黑羊」們都被楸出。
唔係唔駛整個投訴警察課啦？CAPO入面每個調查員，最低級既都係警長，
O記、CCB...人地做大案都未有咁既級數，警隊夠認真對待投訴喇掛？
依家包庇害群之馬既係地呢D 所謂「受害人」同「壓力團體」呀！
你唔出黎指證同配合調查在先，
咁叫警察點查呀？ 真係你講有就係事實呀？ 查到點跟進呀？
仲要話警隊包庇自己人？
被害妄想？ 咁講法通唔通呀？ 你讀咩書？ 你個咩價值觀黎架？ 你配唔配稱為係明理人呀？
4. 你全段回應入面，我最同意就係呢句「C兄你不知道唔代表事情係無發生的,多少冤案不被報導或被刻意平息.」
你唔知，你唔理，你睇唔到，唔代表警察無做過野。
傳媒幾多誇大同生安白造既所謂「報導」，
警方出新聞通告澄清，從來無人報導過或者澄清過。
幾多警察無端被誣告，都要按照法例接受內部調查，
係查明清白之前，涉案人員承受幾大壓力，幾多辛酸唔係「不被報導或刻意平息」？
綜合以上，我仍然認為，
如果夾硬「砌警察生豬肉」話「警察砌生豬肉」都可以稱得上係政績的話，
社民連咪一樣咁禮義廉？ 我再一次講，我呸~!
真心咁建議所有 有心投身社運 / 政治既網友，
係參與呢個遊戲之前，進修下法律先啦，如果唔係盞丟人現眼架咋。
引用:
原帖由 搖光 於 15-5-2010 22:32 發表 
講到呢度,好似慢慢遠離左港人與政治呢個議題,我甚至感覺到有小部份人係為了個人(或者其所屬團體?)之榮辱而發聲.這點實非本人之意願.
回應C兄所說:
想先問C兄你所說"有無警察因此經法庭審判後入罪？ 或者我講闊 ...
