gd1893

其實，會唔會係時候須要停一停、諗一諗呢?

我明白大家心中團火好難話熄就熄，
特別係當大家對呢個範疇既野都有一定認識果陣，
就自然有更多想法同意見。

不過，我有幾個問題希望大家考慮一下既：

(1) 老生常談，事件仍在調查中，其實咁樣討論同推測，
     對尋找真相真係無幫助。
     最顯淺，假設有人有心毀滅證據，而佢原本醒唔起某樣野既，
     當大家熱列討論果樣野，而傳媒又廣泛報導之下(大家都知記者依家經常網上採訪架啦)，
     會唔會有機會提醒左有心人去做D佢原本諗唔起既破壞呢?
    呢個風險大家又承唔承受到呢?

(2) 大家係網上send來send去既
     所謂「CNN證實」、「FBI證實」、「SDU證實」、「真相」等等又有幾真確?
   
    真係睇住段新聞片就可以還原事件真相?  兼指證有人想毀屍滅跡?
    真確到所謂「CNN證實」既消息，係CNN網站都唔見有?
    有無人玩過「以訛傳訛」呢?
     (唔講遠，果張手指扮槍相，真係案發時影既?)

(3) 呢點亦係最重要既，係9/11事件發生之後幾日，
     新聞不斷咁重播客機撞入大樓既影片，
     令到受害人家屬既傷痛不斷被提起，連旁觀者都開始覺得心理受到影響。
     後來美國傳媒都協調左，係當時唔再播果一段片，
     以免做成二度傷害。

     傷口始終係要時間結焦既，你三不五時咁揭開個傷口，仲要篤下佢了下佢，
     咁幾時先可以好返?

    公義係要爭取、真相都須要調查同還原，
     不過，會唔會有更好既方法去處理呢?

綜觀以上各點，我懇請各位係進一步討論呢個不幸事件前，
考慮一下上面幾個問題，再試試用一個更好既方法去討論吧。
同時亦請記住，係用甚麼「CNN證實」、「FBI證實」、「SDU證實」、「真相」之前，
最好先確認一下，你真係肯定係由佢地證實先，
死傷者同佢地既家屬已經夠傷心同煩惱，唔好再以訛傳訛喇...

gd1893

可惜雪中送炭難，落井下石易!
<--深有同感

有時唔係唔討論，但我覺得依家坊間好多傳言同推測，
已經去到失控既地步，最慘個個都覺得「估下遮」咁就無責任地估，
問心，假如你係受害者遺屬，
跟住日日有唔同人估你過左身既屋企人係點死，或者比邊個打死既，
你又會有咩感覺?

另外，果D將仇恨不斷地擴大既言論又係相當不負責任。
追究同調查係一定，索償都可以話係必然，
但有無必要將仇恨投放係整個民族之上呢?

討論還討論，發洩還發洩，
我都覺得，講野真係要負責任，唔好亂黎囉。

引用:

原帖由 FNP90xvhk 於 26-8-2010 10:49 發表
傷口始終係要時間結焦既，你三不五時咁揭開個傷口，仲要篤下佢了下佢，
     咁幾時先可以好返?

師兄，呢句講得太好喇，可惜雪中送炭難，落井下石易!
不如咁啦，真係覺得傷心，真係有心做d野既，搵第二d野做下， ...

gd1893

道唔道德佬就見仁見智啦，
思想封殺? 我憑咩去封殺你? 亦都無咁既必要丫?
我更無叫過任何人唔好出聲。

我想指出既係，每個人都有權利去發表意見，
不過，係你發表意見既同時，會唔會對其他人有所影響呢?
就連不斷重覆既新聞報導，都可能會令人感到不安甚或引致心理傷害，
咁我地生而為人，係講野之前係咪應該經一經大腦先呢?

草乜野泥馬的遮? 係想講粗口既，你咪用講原來果句囉，我唔會投訴過喎。
意見不同就惡言相向，成三十幾四十歲人，唔該你成熟D啦!

引用:

原帖由 FPGRM 於 27-8-2010 01:26 發表
又有道德佬係到作法, 好多時唔雖要上討論區,
乘係睇直播自己用常理都可以分析得到—些事件的概括,
唔好以為自己打得越多字就係有道理,
打過比喻計因式分解,都要估算代入那一個數字。
叫人唔好講停一停、諗一諗 ...