F22

小弟諗咗一個盜火線遊戲,各位比吓意見.............
地點為直昇機場或貨櫃場最理想,警方及賊方比例為3:1,以二十人計即15個警方5個賊..........時間為10分鐘
交戰守則:
警方只可單發,可以無限復活,開game前可以分一部份人做增援部隊,係由賊方起點於開game後五分鐘出發做前後包抄(會唔會三分鐘好啲?各位比吓意見)
賊人可以連發,中槍要留响原地,要同伴埋去救先可以復活,但如比警方接觸就即係拘捕,要加入警方增援部隊.....
由於係逃亡及追逐game,所以不設戰死者停火時間,所以警方戰死者要盡快住重生點復活,頭五分鐘可自行選重生點,但選增援部隊嗰面就要到增援部隊出發先可以重生,返自己起點可以立即重生,而當賊人推進到場三份二警方起點廢除,只可以去賊方起點重生避免沒完沒了.........
玩法:
好簡單,賊人由起點推進至着草點為勝,如打直昇機場由裝甲車去直昇機咁,先前提到警方有增援部隊响賊方起點於開game後五分鐘出發,所以唔可以太慢,會比人前後夾攻..............賊係唔易做..........
重點係如何利用火力响頭五分鐘推進到場三份二,只要到咗前方就冇人復活,清埋剩低啲差佬就勝利在望,但都要睇住自己兄弟,比人拉咗就會多個敵人,如果响大路中槍都幾頭痕...........
而警方點安排人手亦係重點,大可以唔設增援部隊全部十五人死守,差唔多到五分鐘有人戰死先到賊方起點重生做增援部隊都可以,總之係頭五分鐘盡量拖...........如果拉到一兩個就更好......
希望各位睇得明白...............

F22

引用:

原帖由 faihk 於 23-12-2010 10:32 發表


(1) 無限復活會幾亂吓 ! 會唔會都係一槍死好似好d!
(2) 警方人多, 可以直接分2 team人, 每team 5個,  
(3) 指警方去包抄嗎???
如果係ga! (a & b point  = 兩邊起點) 警方 team a可以由 a point ...

1.因為警方火力較弱,所以需要人海戰術.............而賊方人少,有條件復活會冇咁快玩完
2.呢個隨便,視乎警方安排,我都講過甚至全部人死守都可以
3.冇錯,即係開game時如果警方有安排增援部隊就會响賊方起點準備,如有對講機可以通水比a隊,至於出發時間,不如照舊5分鐘,但賊方於5分鐘內就上到三份二就立刻出動咁好唔好啲?
4.直昇機場或貨櫃場打四十人都可以
仲有冇問題?

F22

引用:

原帖由 MKL04438 於 23-12-2010 11:08 發表
我怕到時打完一場，又會有人話:「玩乜鬼任務呀？都冇得殺人既，就咁正正常常打算啦！」

我度呢個任務都應該幾難冇人殺啩?試吓做賊吖,比人前後包抄嗰陣你就知味道..............

F22

引用:

原帖由 faihk 於 23-12-2010 12:49 發表


1. & 3.
- 只有賊方可以復活, 警方無.
   賊方可以full, 警方單發
   賊方上色帶, 比警方帶走後加入除色帶
   賊方上到三份二 / 5分鐘, 警方support team出發
   ga話會唔會好d?

2. e個要同場 ...

但如果警方冇復活就做唔到幾十人圍捕效果,而且面對賊方連發火力好易全軍復沒...........所以復活係必需....
從來兵捉賊遊戲都係兵着數啦..............呢個game主要唔係殺人,而係火力壓制運用...........
少人連發對多人單發
但都睇吓大家覺得O唔OK先啦,而且賊方可以話九死一生,睇吓有冇勇士先啦

F22

引用:

原帖由 faihk 於 23-12-2010 12:49 發表


前full後應~

單發啫...................

F22

引用:

原帖由 McDull 於 23-12-2010 14:55 發表


跟本就唔REALISTIC

如果係D賊要衝去EVAC POINT，咁仲合理D。

我原本構思都係:"賊人由起點推進至着草點為勝"
係唔知點解怪老二想去進攻警處之麻?
我唔敢話好完美,但已經盡量取一個平衡,賊人有連發,人少,有條件復活,被補要加入警方.........使唔使限彈數?600發?
而警方人多勢眾,無限復活,可以開game前响後方set人做天文台同增援部隊,可以拘捕中槍賊人入隊......
都好難話邊方有着數,但警方應該較有利,因為賊方要不斷推進,太慢會被前後夾攻,壓力較大但最剌激..........
做賊好玩呀................

F22

引用:

原帖由 McDull 於 24-12-2010 09:59 發表


我要做賊

好!!有種!!我跟你!!

F22

引用:

原帖由 faihk 於 24-12-2010 10:23 發表
係咁有冇師兄有 "look" 野可以帶去無旗竿??

場應該有..............

F22

引用:

原帖由 McDull 於 24-12-2010 10:26 發表


最鐘意人少打人多

打還打,記住差佬係殺之不盡,走佬要緊呀..............

F22

引用:

原帖由 Vindicator 於 24-12-2010 12:23 發表
我想做賊…唔駛怕因友誼之火比人X…係怕無彈…

呢個係我構思其中一部份,如何以火力衝出重圍........... 我仲考慮緊使唔使限彈,大約每人一千發多啲左右,即M4四隻鏈匣,AK二隻鏈匣,各位認為點?
記住,賊方係要着草而唔係殺晒警方,需要團隊合作,要互相掩護,又要救中槍兄弟(當然亦可以唔救),仲會受到前後包抄....
大茶飯真係唔易食...............

F22

引用:

原帖由 Captain_Awesome 於 31-12-2010 00:27 發表
我想問下個小遊戲係咪指水post 果個兵捉賊game 呀?
我見d 規舉好似好覆雜咁. 我怕我幾個未玩過既fd 唔多明, 可能佢地到時會玩到亂晒龍.
想問下可唔可以調下個game 去lunch 後. 上晝打下對打俾佢地知道大約點打先.  ...

我再整理一次玩法...............
人數比例為:警3賊1,即40人為30警10賊............(賊根本係死梗)
時間10分鐘
賊方
1.目的係由起點着草去終點
2.可以連發   (我想問各位使唔使限埋彈數?1000發左右OK?)
3.中槍之後要留响原地舉高雙手,同伴要埋去拍吓膊頭先可以復活,但被警方捉走就要加入警方
4.可算係遊戲主角,但可以話係九死一生,需要各位膽生毛兄弟加入............. 想加入請回post報名

警方
1.全滅及捕捉所有賊人(廢話)
2.只可單發
3.開game前可以分一部份人手由賊方起點於開始五分鐘後或賊人突破到場三份二出發做前後包抄,未出發前可以做天文台通水比隊友
4.中槍之後可以立即返回起點重生,亦可自行選擇去賊方起點重生,但要跟增援部隊出發.
5.賊人突破到場三份二之後警方起點重生位會取消,避免沒完沒了..........

各位如果有咩意見或問題請提出,睇吓有咩要改善,THX

F22

賊方
2.可以連發   (限彈數 1000發 or 300飛鏈匣4隻為上限) <= 咁會唔會清楚 & 方便d?
  OK

警方
3.開game前分一半人手由賊方起點於開始五分鐘後或賊人突破到場三份二出發做前後包抄,未出發前可以做天文台通水比隊友 (e樣就唔好啦... 賊方好大鑊...  )
  分幾多人手去後面我想到時交比警方自行决定,至於通水呢,咁你叫佢哋五分鐘座响度咩?警方响情報較有利係好正常
4.中槍之後返回起點重生,亦可自行選擇去賊方起點重生,但要跟增援部隊出發. (咁做法會幾亂吓 ! 可能會係場中間走一大段路, 唔建議)
  OK,改為賊人突破到場三份二之前一律返回起點重生,突破後要去賊方起點重生
5.賊人突破到場三份二之後警方起點重生位會取消,避免沒完沒了.......... (e方面, 我同場地個邊夾一夾, 一到左就用大聲公講)
  交比你啦

F22

引用:

原帖由 Captain_Awesome 於 31-12-2010 13:52 發表
好似好刺激,膽粗粗試下先!

好!!歡迎加入一齊食大荼飯!! 但你有冇問過你嗰六位兄弟呀?

F22

再修正一次
人數比例為:警3賊1,即40人為30警10賊
時間10分鐘
賊方
1.目的係由起點着草去終點
2.可以連發, 限彈數 1000發 or 300飛鏈匣4隻為上限
3.中槍之後要留响原地舉高雙手,同伴要埋去拍吓膊頭先可以復活,但被警方捉走就要加入警方

警方
1.全滅及捕捉所有賊人(廢話)
2.只可單發
3.開game前可以分一部份人手由賊方起點於開始五分鐘後或賊人突破到場三份二出發做前後包抄,未出發前可以做天文台通水比隊友
4.中槍之後可以立即返回起點重生,賊人突破到場三份二之後警方起點重生位會取消,要去賊方起點重生,避免沒完沒了..........

F22

引用:

原帖由 Vindicator 於 2-1-2011 18:23 發表

忍痛決定

哎吔,等我仲想比你試吓416同新型hop up添.................