高!高!高!

這是一個好復雜的問題.
侮唔辱侮辱,好睇個攝影師有咩目的,
求X其影,一開波就預左PS......好侮辱,
不過係侮辱左佢自己,話比人知自己係冇料到.
例如底層次的廣告攝影,就成日有這類情況.
同樣地,一開波就預左PS,不過係把相中最好的放在一起,咁個目的和結果又唔同晒.
例如從前影鑽石介指,燈光就到粒鑽石,就會就唔到個指環,就到外環,又就唔到內環,
有PS,鑽石一張最好的,外環一張最好的,內環一張最好的......
之後大叫"合體",就可以有一張完美嘅相.
咁你話有冇侮辱到攝影???

不過有一些類別的攝影,就完全沒有例外.
如記實的新聞攝影,就只會做一般的反差光暗裁剪,
不可能把相中完本冇的東西加上去.

識放相,其實一定識PS;
後制唔係咩新奇事,由菲林到數碼都存在,
只不過從前在黑房,現在電腦中,
人人都有電腦,變相人人都有黑房,
一張相係整體地看,唔係只看色彩好唔好.......等.

最後,經驗所得,
影得唔好,後期點攪都係唔好,
況且鏡頭的透視效果這一類,可以說是冇得後制的,
你唔係用長鏡影,點攪點裁都做唔到前後景壓縮的比例.

[ 本帖最後由 高!高!高! 於 14-3-2009 20:06 編輯 ]