引用:
原帖由 adrianyahk 於 21-7-2008 01:41 發表 
講起構圖我發覺而家d 構圖成日都係....斜角構圗,用井字既左同右兩條直線,果四點黃金分割,再唔係就三分一三分二...(我指幅相啦,風景呀街景呀果d)
至於影咩事物.....重未掌握到...
究竟我而家應該補d咩? 長 ...
wide鏡/標準鏡/長鏡/閃/腳都係必須品,幾貴,不過可以慢慢儲,唔使急,最更要快.
構圖冇得學,要陪養的,還有黃金分割這些規則,只是標準參考,不是絕對,
跟足做,張相唔一定好睇,影相最重要知道自己在做什麼,唔好為分割而分割,
置中好睇就置中,分割好睇就分割,唔知邊個好就影晒兩款,
到你冷靜下來就比較容易選擇到,到下次影就可以馬上作決定.
已上所講的技術都係要陪養出來,學左,明白左,
到真係影時又未必發揮得出來,但影得多睇得多會係一個好好的進步方法.
其實"一張張"的攝影方法會令你的意念(對影像的敏感度/眼光)進步不大,
係時候試吓影"一輯輯",一輯相大約十多二十張起,定一個主題,
例如你去澳門,影"澳門市民生活記",
想一想有什麼人/事/物可以表達到澳門市民生活,
整輯相不需用文字,比懂得/唔懂得攝影的人睇,
他們都可以估到你在影澳門市民生活,
這輯相就算係成功!
