4jai

提新手有禮貌,小弟覺得係一件好事,仲係一件好必要既事

我同意,的確有新手開POST唔禮貌導致回POST既人反感,呢個時候串D回應佢,我覺得無問題
等對方感受下你點對人人點對你
(但如果只係打少左個THX,唔算咩問題,提返就OK,無必要因為3字英文字嘈幾頁)
之但係,如果個新手好有禮貌咁問你,你好Q串咁回人一句"自己落老廣睇啦,廣華街好遠咩!"

只會令到新手覺得"呢一個地方唔需要有禮貌"


人會做錯,正常,係大家互相提點,個遊戲先有得一齊玩落去
如果"管理者"出聲提點你,你都唔肯收
比人貼大字報,只會大家無癮(我都比人貼過大字報,我唔好得去邊)

4jai

打一個日常生活既比喻

狗屎,相信大家係條街都見過,我都唔相信呢到有人會鐘意一舊橫屍街頭既狗屎

但係你唔鐘意舊狗屎,
你會停低,係咁用隻腳伸篤屎?
定係無視佢當見唔到避開佢?
還是好有心機咁樣拎張硬卡紙產走佢,再用水沖乾淨個地下?

第2同第3,我覺得冇問題,第3個更是神人境界
但第1果個,我話你冇問題,人地會覺得我都有問題

BTW,人係靠互相提點既,但一個有份量既人行出黎提點你都唔知咩事,請自重