我都無擺酒⋯⋯⋯bump大個肚平好多∼
話說當年我同我老婆拍拖拍到咁上下諗住結婚，佢就去家計會做驗身，家計會話佢身體問題好難會有BB, 我聽完諗住正啊∼當晚就中出佢，唔知家計會唔準定係我太準，咁就bump 大左個肚⋯⋯⋯⋯⋯咁就唯有早啲結婚啦∼
去到雙方家長講數(傾禮金擺酒各樣⋯⋯ )果晚，由於我老婆同佢老豆唔啱牙，平時絕少見面，亦無一齊住好耐，對於我老婆大左肚亦唔知情.當晚佢老豆同我老豆講："點解攪到咁急啊，推遲兩個月多啲準備唔好咩？"(實情佢想攪大啲擺多幾圍)跟住我老豆同佢講："襯家∼兩個月肚啦∼再拖見肚啦∼"佢老豆即時沈默⋯⋯⋯跟住成晚由我老豆老母主導成晚會議，傾到最後只係封左四千蚊利事做禮金，約埋雙方家人擺四圍家常便飯(記得係大約三千一圍果啲套餐)算數⋯⋯⋯
注冊當日我同我老婆兩個無人陪著住婚紗禮服好似拍戲咁由旺角跑去登打士街搵的士去尖沙咀注冊(當時我地住旺角)⋯⋯⋯⋯⋯全部洗費只係用左大約兩萬樓下(八年前，大部份我老豆老母比)
我老婆係圍村人，比較傳統相夫教子思想，從不過問我買玩具去夜街唔返屋企⋯⋯等，家中九成半事情都由我決定⋯⋯⋯⋯都算係咁啦∼
[ 本帖最後由 jacko 於 11-8-2015 14:56 編輯 ]
別人笑我太瘋癲 我笑他人看不穿
