20-Sep-2008 去過 TKW 玩之後有小小感受... (改咗第 4 點，加咗第 5 點)
本來想星期一就出 Post 分享吓...... 但點之呢幾日忙到 PK......
言歸正題，細路我第一次玩長火 (之前都係玩手槍 CQB！)，以下係我小小感受及意見：
1. 個場環境唔錯，我覺得 CQB 黎講真係夠晒大，不過 Zone A 同 Zone B 無明顯分別，呢樣有好有唔好。
2. 場地真係應該加設小食部，雖然場地工作人員好好人可以幫你叫外賣，但過咗 21:30 就無得叫......
3. 當晚我地果 Team 人唔知係咪俾鬼搞，壞咗一支馬記三支國狗，搞到後尾變咗手槍戰，呢個時候，如果你話場地能夠有個特快修理改裝的檔口你地話幾好呢！最好有埋配件同服飾賣，咁就真係咩都唔駛帶就有得玩喇！
4. 最不滿係場地個測速器，去之前話打 1.5J 以下，好啦，我地窮鬼自己之前跟教學搵汽水罐試啦，驚死大力得濟玩唔到，頂！經全部 0.2g BB 測試下，我地打開兩面力 (用 Top Gas) d WA SV、TM Hi-Capa 手槍最勁果支得只得 0.9J，馬記全原裝 SIG SG552 得 0.6J，結果當然就俾對面隊果 d 測得 1.4J 果 d AK、M4 等等打到爆晒啦...... (不過都玩得好開心！)
話晒過咗幾日，暫時係記得咁多，如再有就後補，多謝各位師兄收睇！
5. 記得有野加喇，場地負責人話佢地本身諗住張依家用黎做新手教學間房改做真槍實彈靶場，重又牌照都申請咗，但再考慮之下都係諗住加果迷宮場。但我覺得不如照舊做出租靶場，不過俾汽槍用，等我地可以練好 d 槍法同調教好之槍的準確度都好吖！
[ 本帖最後由 ryo_li 於 26-9-2008 23:32 編輯 ]
