好多團 , 都已經轉打全 GBB 了
AEG 餐餐總有人一開波 full 到尾 , 無論係自己友定對家 , 有時見到都幾反眼
Wargame , 本來係一個講求合作既運動
但當你一個人有過二千發係身 , 殺得一個平手 , 兩個執贏 , 個個都顧自己
餐餐話打到悶 , 不如搶棋搵炸彈 , 到最後 "又" 變成殺晒對家完場
打得多 , 都其實有 D 悶
彈弓夾咩 ? 以佢既重量 , 見人攝三十隻係身面不改容
AEG , 方便到就算你唔派彈 , 對家都當你會派
初初 , 煙通漆廠 , 明明唔識打到攬頭攬頸飲早茶
到後來 , 見人地限彈限力 , 甚至限頻 , 明明係朋友都可以互 _ 老母 , 結果拂袖而去 , 朋友都無得做
GBB , 本身平均每隻都係 30~50 粒 , 平均都係帶三五隻
講求既合作性較大 , 參加既人就算唔識 , 都會同你夾一夾 , 因為隻抽好易出事
其次 , 零件 / 系統 / 保養 .... 上下選擇很大 , 每間廠牌都有唔同特性 , 唔似 AEG ... 波箱槍管摩打電 , 來來去去三隻齒 , 一個氣缸 , 變動唔大 , 然後無人再分享
仲有件事幾有趣
AEG Game 帶手槍 ? 手槍係用來跌的 , 你有最後三十飛 , 你會寧願入落隻 AEG 夾打單粒 , 你都唔多想拎手槍
GBB Game 帶手槍 , 長短野大家五五波 , 手槍有得抽
你要穩定 , AEG 非常穩定 , 穩定到你可以忘卻對友 , 盡情喪咪 , 有三千打三千 , 有兩萬派兩萬
GBB , 一身都係 兩三百 , 係呀 , 甚至 Boltback 打歪左 , 識入彈唔記得入氣呀 , 插夾唔記得拉 Bolt 呢 D 蝦碌野
係架 , 幾唔方便架 , 尤其當你係派開彈係更加唔方便架 , 但你又蝦碌下 , 人地又蝦碌下 , 氣氛就會唔同架喇
