引用:
原帖由 kimkileo 於 6-8-2009 17:25 發表 
係冇話唔可以見工
....不過現實我岩岩先ban左幾見金毛名牌大學生既暑期工申請....
鬼頭老闆問我點解....我帶佢去會議室俾佢望望.....唔好意思 ...請過主
我有時要兼埋人事部 , 請文員 , 有 D 仔學歷唔錯但藍毛 , 有 D 女英文得但紋身
面試完 , 通通放埋一邊 , 不作考慮之列
藍毛一定係壞人咩 ?? 唔係喎
紋身一定係衰人咩 ?? 唔係喎
之但係 , 比我既印象就係差 , 我請人唔需要同你解釋藍毛紋身點解唔請 , 唔請 , 就係唔請
我最壞都係留長頭髮 , 未試過染髮(包括染黑), 未試過穿耳 , 未試過食煙
行出黎正正經經 , 個個老闆行埋黎講兩句 , 都唔會有份排斥感
人靠衣裝 , 工作係唔係一帆風順係個天決定 , 但起碼唔好搞到自己出黎社會做事一波三折
我唔明 , 係咪真係甘難明 ??
