odaan

雖然我唔主張報警 , 但係 "夜深 , 唔騷擾人 , 無不良動機 , 無財物損失" 並唔係抗辯理由
只係因為我唔係親眼所見 , 唔知當時情況唔會亂報 , 但會 Cap 相留底

我親眼見就會即場問 , 佢夠膽惡言相向我就玩大佢

拎槍大模大樣出街行 , 街道上點知有無人經過
你唔報警 , 人地見到一樣會報警
撞岩 EU 經過就仲好玩
衰係外人手上不如衰係內行人手上

一次玩過覺得好玩 , 第二次係 , 第三次又係
玩大左個膽梗會衰一鑊
結果 斷正 識死 , 先同人 "R 爛腳" 話 "下次唔會" ??

不因小善而不為 , 不因小惡而為之
我雖然贊同唔應該矯枉過正 , 但如果你見到就應該話佢兩句

就好似新年倒數 , 有人話佢地唔應該著軍服插晒夾行出街
D 人自己係度話 "開心咪得囉 , 洗乜理人地點講"
呢 D 咪自私囉 , 呢 D 咪後遺症囉

其他小朋友覺得 "人地著行晒插晒夾去新年倒數都無野 , 我都係夜媽媽渣槍遮"

甘你地話 , 有 D 人自私做 , 反而你地要承擔後果 ; 人地就話知你 , 你地反而要為佢地自己既行為驚政府禁槍

怕政府禁槍 , 所以唔理 ; 坐大左個膽 , 玩大左 , 人地一樣禁
驚政府禁槍 , 呢個憂慮 , 我覺得係最多餘 , 反而係助長 D 人自私

雖然三幾張相唔係大件事 , 但其他小朋友見到 , 又會唔會試呢 ??

唔主張報警 , 但呢種事 , 其實好值得我地反思

odaan

引用:

原帖由 優之涼粉 於 4-2-2012 01:06 發表
我反而覺得相中人既勇氣真係大，唔好講會唔會比人捉先，我就唔敢著成咁係條街都行，實比人當怪人咁望住，唔係話著住gear拎住槍好怪，而係係市區又唔係拍緊戲但又著成咁.....

有 D 玩槍既人好得意 , 佢地總係覺得自己有槍就有份優越感
要係外人面前 show 比人知 , 結果就咩都做左出黎
怪 ?? 佢地就係想比人望 , 人地當佢怪人 , 佢直情沉溺其中

人人都唔夠擔做 , 我做 , 係咪威先 !!!
其實因為人人都知唔應該甘做 , 佢就曲解以為人地唔敢

odaan

引用:

原帖由 yiuyiusiu 於 4-2-2012 01:13 發表
小朋友黎姐 最緊要冇對任何人做損失 無謂咁小事毀人一生 不過攪架車係多九餘囉
所以爆菊免不鳥

唔 .....

細既唔教 , 大左就教唔到 , 面果浸就無人損失 , 其實係全體自律既人損失左比呢 D 唔識自律既人

廣華街果位小朋友係街邊大便遮 , 甘又好多人出聲喎
因為容忍 , 所以人們喜歡挑戰你既尺度

當年打街位位自律 , 除左知道揚左無得打
仲知道唔識控制自己既話 , 人地就會用 焦耳 黎教化你

我唔怕我毀佢一生 , 好過佢毀左我地一群

odaan

引用:

原帖由 johnmok 於 5-2-2012 00:07 發表
各位師兄!
我岩岩收到當事人比我既恐嚇=3=
佢威脅話如果我再拿呢件事黎講就搞到調景嶺個街場永不超生!!
本身我都無諗住開名...但我覺得佢既行為已經太.....了!!

係咪真係本人定借刀先

係就天真喇 , 即係比人圍緊仲聲大大 "我返屋企話比呀爸知" 既原理一樣

咪就搵佢幅相出黎玩大佢 , 佢未玩到街場報警就已經係警署了
做人做到連邊個係閒都未分得到

玩完就要賣槍 , 因為之後去邊個場 , 人地認到佢 , 一定食滯先返到屋企

最最最好笑係 , 就算佢無做 , 係另外既人做 , 結果都係衰佢一個
如果 10 粒膠滿分 , 呢個最少值 8 粒

odaan

引用:

原帖由 tf141 於 4-2-2012 23:10 發表
雖然我都覺得佢地好冇腦, 做野唔顧後果...
但係我點都唔信佢地有入電/氣同埋入BB彈囉

膠起上黎真係膠力無限大 , 無電無彈 ?? 我拎槍插夾指住佢 , 我都話我枝野無記錯就無電無彈喇 , 指住佢眼珠 , 然後扣兩野睇下我有無記錯囉
D 大哥夠係 Game 場話比人知無彈啦 , 咪一樣走火射左梳落人地盒飯度

唔信 ?? 你同佢三唔識七 , 行埋去叫佢指住你門牙 , 叫佢扣兩下

行人點會理你有無彈 , 插左夾就有危險架喇
唔係見人係街大便先覺得肉酸 , 除褲開始已經夠核突啦下話

odaan

引用:

原帖由 tf141 於 5-2-2012 01:07 發表
我冇話佢咁樣唔會嚇親人

一插夾就視為有彈 , 呢個係普通人最基本既概念

除非你識相中人 , 如果唔係憑咩 "相信" 佢無電無彈 ??
從來最容易乃野既人 , 都係死係 "相信" 其他人上

李小龍 個仔 李國豪 夠相信拍戲既槍無野啦 , 結果咪比人射死左囉

odaan

引用:

原帖由 tf141 於 5-2-2012 10:33 發表
ching你都講得啱，我同佢三唔識七，再加上見到佢咁既言行.....
嗯...都係唔好輕易信人

唔係落場打 Game / 預左比人射既時間
就算係最親既兄弟 / 朋友 , 我都唔會比佢搵槍指住 , 點都推開槍咀
自己渣槍亦從來唔會指來指去 , 尤其係影團體相 , 我最唔鐘意就係拎槍指住影相果個
人地幫你影相 , 你就將人地既安全擺到最尾

簡單來說 , 即使我對槍有幾熟 , 整槍幾叻 , 我就係唔信槍

唔係怕焦耳 , 而係人有 D 地方係修補唔到
貪得意搞到人地盲眼 / 爆牙先知後悔 ??
與其樂極生悲 , 不如控制自己

人心已經難測 , 呢次仲要渣槍果個係 Kai 既

odaan

引用:

原帖由 sing106 於 5-2-2012 21:44 發表
向邊度申請?又無封路，又無爆破場面，又唔係真槍，又無著警察制服演員，純粹影相都要申請?

我又覺得稀奇喇 , 閣下不斷聲稱 "街上持槍影相不需要申請" , 人地同你講要申請 , 你又諸多辯駁
既然你覺得無野 , 點解唔索性就係警署門口試試 ?

既然你唔敢試 , 就即係唔清楚 , 既然唔清楚 , 又憑乜係度質疑呢 ?
你回帶睇一睇 , 覺得稀奇嘛 ?

odaan

引用:

原帖由 sing106 於 5-2-2012 21:56 發表
如果你咁講，相中人可能有申請呢，排頭係'喺街持槍拍照'，問吓PPRB有無得申請先，因為我都想影，唔該晒師兄！

可能 ?? 申請左就有警員係旁邊睇住

馬路上 , 車件貨超出馬路運輸規格 , 向運輸處申請 , 都有隻馬出黎押送
有咩意外 , 就憑警員口供分析到底何方負責

大街大巷影相 , 一來無公司負責意外保險 , 二來無公證行確定該批槍械之運作及殺傷力
貪得意為左 "想" 就申請 ?? 甘你慢慢申請飽佢啦

如果係甘容易申請 , 就一街都係啦

室外場見到槍要報警 ? 喂 , 我真係想睇你夠唔夠膽試喎

影相果個已經膠
誰不知你提出果 D 野仲膠

odaan

引用:

原帖由 jh333233 於 5-2-2012 22:19 發表
點解相中主角好似淆曬底冇聲出, 個post變左討論合法性問題

相中主角淆底係意料中事 , 佢講既夠膽做 , 佢真係唔洗出去玩槍都得喇 , 大把人磨利把架生等佢
我地係面頭講 , 唔知幾多人已經係後面係網上同佢搜緊身喇

odaan

引用:

原帖由 sing106 於 5-2-2012 22:27 發表
我都未回覆，1）你點知我唔敢先，2）你點知我唔清楚先，唔好靠估好唔好，另外不如你講吓就張相裏面嘅內容，需要申請啲乜，向幾多有關部門申請，向啲同好分享吓經驗啦...謝謝！

細路仔咩 , 識既洗係度套料 ??
識既係度 "問吓PPRB有無得申請先" ??

係就做左啦 , 係度問 ?
扮乜野 "同好分享吓經驗" 丫 , 我無鋪 "當街當巷影相 , 慰藉心靈" 癮

教埋你 ?? 之後講多兩講又幫你申請埋 ?? 激將法對我毫無作用

odaan

引用:

原帖由 sing106 於 5-2-2012 22:52 發表
其實小弟都唔讚成太張揚，不過講起有無犯法，小弟就覺得無囉，觀點與角度，每個人都會有自己睇法，何必動氣呢，如果有得罪，請各兄弟姊妹多多包涵！

我唔係動氣

因為街上 / 網上玩槍既已經太多人唔再重視法規 , 招搖過市
無論做人 , 玩 , 甚麼興趣 , 都有一個底線 , 超出呢條底線 , 就是亂來
一身甚麼 Vest , 插到一身都係夾 , 插多枝手槍係大髀添 , 就去搭地鐵
奇怪喇 , 博乜呢 ??

到你同佢講喇 , 佢就大大枝 "犯法既就拉左我啦"
警察部 , 我識唔少 , 問題係咪要我玩到 反恐 都黎埋先識收手 ??

如果係唔犯法 , 點解要用槍袋 , 而唔用槍袋又會比警察問呢 ??
我知每個人都有唔同睇法 , 但係睇法還睇法 , 法律還法律

當街大便我都見過 , 急起上黎超過人既忍耐極限真係要爆唔怪得佢 , 但係 "隨處便溺" 係犯法喎
如果你問我接受 "當街持槍影相" 定 "當街大便" , 我只接受後者

我真係唔明 , 有乜野理由係必須要係街持槍影相 , 學校 Project 需要 ?? 為博紅顏一笑 ??
我之前做槍 , 警察問起我 , 我都有理由解釋 , 但我帶槍係街 , 真係連槍頭都唔想露 , 連著件打 Game 衫都唔想著到甘行
皆因我認為呢 D 唔係個個途人接受 , 無必要張揚 , 無必要別具一格

甘你可否講下你既睇法 , 唔係挑戰你 , 起碼令我有個初步認識你地係以咩角度去睇

如果你係講得通 , OK , 我接受架

odaan

引用:

原帖由 johnmok 於 5-2-2012 23:24 發表
讚成！假如你係銀行見到有人柯屎驚D,定見到有人渣住槍上哂Gear影相驚D?

呢個唔係銀行既問題 , 呢個係 "需求性" 既問題

身體唔舒服 , 就算佢真係當街大便 , 真係生理上需要照顧 , 再核突再污穢 , 正常人甚至埋去幫佢一把
因為另一邊我唔明 , 甘岩有人有另一種睇法 , 所以我想探討一下