引用:
原帖由 loveless 於 27-11-2018 23:32 發表 
譴責違倫理和安全...
甘我想問中美英瑞日德甘多國家投甘多資源去R&D去搞人類DNA最終目的係乜？
即係研究想成功, 成功既目的係千祈唔好用..
問題比你想像中要複雜
並唔係話去"搞人類DNA"就等於要促進人類進化製造超級新人類
因為科研並冇一個你想像中ge最終目的
每一個project都係各懷鬼胎,各自有各自個個research group想知道ge野
有d可能係平民都好容易理解,話要了解疾病成因,致病機制
但亦會有d會係好虛無縹緲,話想理解染色體互動,SNP對人類某d特徵ge影響
真係要fit個最終目的,就係"得個知字"
點解話呢個case複雜,我盡量講簡單d
就要由1996年造出zinc finger nuclease(ZFN)開始講起
ZFN係第一種可以人工控制染色體編輯位置ge工具,然而製作上非常複雜
今時今日成日上報ge CRISPR已經係第三代工具, 比起ZFN同第二代ge TALEN準備工夫簡單得多
而且由MIT準備ge搜尋器令尋找編輯位點ge功夫變得非常簡單
基本上只要幾十美金request條DNA sequence, search下cutting site, 再同公司訂條短ge訂製DNA
前前後後少於100美金,同一兩個星期就響普通實驗室準備好一次基因改造要用ge材料, ZFN同TALEN係要幾個月同特殊材料
所以CRISPR最近先會有咁多應用,因為甚至係簡單到home lab都做到
但係CRISPR有兩個機制去做基因修改,一種係亂改,另一種係有修復藍本時用ge高保真修改,我強烈相信賀教授用ge係亂改
亂改基本上用響細胞實驗/老鼠係無問題ge,因為通常都會再做篩選,改錯左ge就dispose細胞株/老鼠並唔會帶出倫理問題
同樣做法並不可能應用於人身上
特別亂改呢個辦法,根據一篇年初發表ge論文亦至少有20%機率會導致預期以外ge大規模染色體改變
呢20%仲未計經常講ge脫靶問題
簡單一句,CRISPR根本未足夠成熟可靠可以用於人類治療用途
