引用:
原帖由 0o0p 於 14-11-2016 00:37 發表 
我有個疑問 用雙座位戰機表演有咩好處
平時雙座位唔係一個駕駛 一個做瞄準同通訊咩...
其實以前八一隊係單座機為主，但零幾年嗰陣空軍覺得因應政治宣傳需要招收女性戰機機師，同今次出事嗰個同一期祇有35個女機師畢業，其中考到戰鬥機駕駛資格四個。09年國慶閱兵嗰陣作為政治宣傳一班女子組揸教練機飛過天安門廣場，2014年正式編入八一隊，同時將八一隊表演編制既雙座機增加到四架，但尼個決策跟住引起爭議，因為雙座機敏捷性不如單座機，導致表演項目相較於2012年同嗰陣全男班單座為主既八一隊變得更加保守，而四個女機師因為坐後面幾乎乜都唔使做（祇有揸機轉場飛長途會俾佢四個揸），搞到被好事之徒諷為「壓艙物」、「空中花瓶」，亦有人指出因為政治宣傳需要，四個女機師入隊嗰陣個飛行鐘數其實係唔夠資格入去八一表演隊但夾硬編入去（八一表演隊男機師個要求飛行鐘數要有1600個鐘其中J-10至少要揸累計300個鐘），所以點解佢哋一直無得擔正。有個內地網友個講法我buy佢，佢哋其實畢業之後編入作戰部隊先更有機會體驗到佢地價值，而唔係質佢哋入後排，用黎影相簽名派傳單⋯⋯唔係話女人唔揸得戰鬥機，但訓練佐之後當金絲雀咁養住係咪正確？
另外，J-10是否適合做表演機都有個疑問，因為J-10個原始設計都係高速截擊型為主，低空低速花式飛行同佢個原始設計係咪夾？八一隊最威猛嗰陣係第一代，當時佢哋用Mig-17/殲5，可以玩9機大編隊亦係得益於Mig-17個敏捷性，跟住換佐Mig-21/殲-7之後動作硬好多。今年得知吉林省長春市個空軍大學開放日有嘢睇，我特登撲過去影，睇到中國空軍大學教官組成既「紅鷹」隊表演，個人觀感係佢哋用K-8型教練機玩起靈巧型既空中動作唔差得過RAF Red Arrows幾多⋯⋯
[
本帖最後由 Hamlet 於 14-11-2016 03:24 編輯 ]
